|
ຫວ່າງມໍ່ໆນີ້,ພວກເຮົາໄດ້ຮັບຈົດໝາຍຂອງທ.ຈາລໍ່ ທີ່ເມືອງໂພນສະຫວັນ ແຂວງຊຽງຂວາງ,ໃນຈົດໝາຍ,ທ.ຈາລໍ່ຂຽນວ່າ,"ເມື່ອຂ້ອຍໄດ້ຟັງວິທະຍຸ,ຂ້ອຍມີຄວາມດີໃຈຫຼາຍ ທ່ານໄດ້ສອນໃຫ້ພວກເຮົາຮູ້,ແຕ່ວ່າ,ຂ້ອຍບໍ່ຮູ້ວ່າຈະເຮັດແນວໃດຈຶ່ງຈະຮຽນໄດ້ພາສາຈີນຈາກວິທະຍຸ,ເປັນຫຍັງກໍ່ຕາມ,ຂ້ອຍຈະພະຍາຍາມໃຫ້ມີເວລາໄດ້ມາຟັງວິທະຍຸ,ຖ້າທ່ານໄດ້ຮັບຈົດໝາຍນີ້ແລ້ວ,ຂ້ອຍເອງຂໍປື້ມພາສາຈີນແລະແຜ່ນCDສອນພາສາຈີນມາອ່ານແລະຟັງແດ່,ເພາະຂ້ອຍໄດ້ຟັງວິທະຍຸຈີນນີ້ມ່ວນຫຼາຍ,ດັ່ງນັ້ນ,ຂ້ອຍຈຶ່ງໄດ້ຂຽນຈົດໝາຍກ້ານນີ້ມາຢາມທ່ານ."
ພວກເຮົາຮູ້ສຶກດີໃຈຫຼາຍທີ່ນ້ອງຈາລໍ່ມັກຟັງລາຍການຂອງພວກເຮົາ,ແລະມັກຮຽນພາສາຈີນ,ກ່ຽວກັບວິທີຮຽນພາສາຈີນ,ທີ່ຈິງແລ້ວ,ກໍ່ຕ້ອງຟັງໃຫ້ຫຼາຍ,ເວົ້າເລື້ອຍໆແລະຝຶກເລື້ອຍ,ລາຍການ"ສອນພາສາຈີນ"ແລະແບບຮຽນພາສາຈີນຂອງພວກເຮົາກໍໄດ້ຝາກໃຫ້ຜູ້ຟັງເລື້ອຍໆ,ເພື່ອເປັນການຊ່ອຍຮຽນ,ແລະພວກເຮົາຈະຝາກໃຫ້ນ້ອງຕາມຄວາມປະສົງຂອງນ້ອງໂດຍໄວ,ແລະຫວັງວ່າຜູ້ຟັງທຸກຄົນທີ່ຮຽນພາສາຈີນເມື່ອມີປື້ມແລະCDແລ້ວ,ຄົງຈະຟັງເລື້ອຍໆ,ຊອກໂອກາດເວົ້າເລື້ອຍໆ,ຈຶ່ງຈະກວ້າໜ້າ.
ໃນຈົດໝາຍ,ນ້ອງຈາລໍ່ຍັງຂໍຟັງເພງຈີນເພງໜຶ່ງ,ຝາກໃຫ້ເພື່ອນທຸກໆທ່ານທີ່ໄດ້ຟັງວິທະຍຸຂອງເຮົາ,ແລະຂໍອວຍພອນໃຫ້ເພື່ອນທຸກຄົນຈົ່ງມີຄວາມມ່ວນຊື່ນເບີກບານຕະຫຼອດໄປແລະມີສຸຂະພາບເຂັ້ມແຂງ."
ສຸດທ້າຍ,ພວກເຮົາກໍຂໍຈັດເພງມ່ວນໆເພງໜຶ່ງສູ່ທ່ານຟັງຕາມຄວາມປະສົງຂອງູນ້ອງຈາລໍ່,ເພງນີ້ຊື່ວ່າ"ມິ້ງຈົ່ງຈູ້ຕິ້ງ",ແປວ່າ"ພົມລິຂິດ".
|
