|
|
 |
| (GMT+08:00)
2006-07-06 14:59:54
|
 |
|
ກອງທະຫານອິສຣາແອນດຳເນີນການເຄື່ອນໄຫວທາງການທະຫານຢ່າງຂະໜາດໃຫຍ່ຢູ່ພາກເໜືອແຖບກາຊາ
cri
Author: cai
ຕາມຂ່າວCRI:ຕອນຄ່ຳວັນທີ 5 ກໍລະກົດ,ກອງທະຫານອິສຣາແອນໄດ້ເຄື່ອນພົນພາກເໜືອແຖບກາຊາ,ໃຊ້ການເຄື່ອນໄຫວທາງການທະຫານຕໍ່ໄປ,ເຮັດໃຫ້ຊາວປາເລັສຕີນ 1 ຄົນເສຍຊີວິດ,ຫຼາຍຄົນບາດເຈັບ.
ຕາມຜູ້ເຫັນປະຈັກຕາເວົ້າວ່າ,ວັນທີ 5 ກໍລະກົດ,ໃຕ້ການປົກປ້ອງຂອງຍົນເຮລິກົບປະກອບອາວຸດ,ມີລົດຕັງແລະລົດຫຸ້ມເກາະປະມານ 40 ຄັນໄດ້ແລ່ນເຂົ້າເຂດເບດ.ລາຮີຢາ ພາກເໜືອແຖບກາຊາ.ບຸກຄົນຮັກສາຄວາມປອດໄພຂອງປາເລັສຕີນເວົ້າວ່າ,ຍົນເຮລິກົບປະກອບອາວຸດຂອງອິສຣາແອນໄດ້ຍິງລູກສອນໄຟນຳວິຖີ 2 ລູກໃສ່ປົດຍາມຂອງກອງທະຫານຮັກສາຄວາມປອດໄພຂອງປາເລັສຕີນຢູ່ພາກເໜືອແຖບກາຊາ,ຜູ້ໜຶ່ງເສຍຊີວິດ,ອີກຫຼາຍຄົນບາດເຈັບ.ນີ້ແມ່ນການເຄື່ອນໄຫວທີ່ມີຂະໜາດໃຫຍ່ກວ່າໝູ່ຂອງກອງທະຫານອິສຣາແອນຢູ່ພາກເໜືອແຖບກາຊາໃນຫຼາຍມື້ມານີ້.
ຕອນຄ່ຳມື້ດຽວກັນ,ໂຄສົກຝ່າຍທະຫານອິສຣາແອນເວົ້າວ່າ,ການເຄື່ອນໄຫວປະສົມຂອງທະຫານບົກແລະທະຫານອາກາດຂອງກອງທະຫານອິສຣາແອນຢູ່ພາກເໜືອແຖບກາຊານັ້ນມີຈຸດປະສົງຊອກຈັບຕົວຜູ້ປະກອບອາວຸດຂອງປາເລັສຕີນ,ແລະຊອກຫາທາງໃຕ້ດິນແລະໝື້ລະເບີດທີ່ອາດຈະເຊື່ອງຊ້ອນໄວ້ຢູ່ເຂດດັ່ງກ່າວ.
ມື້ດຽວກັນ,ໃນກອງປະຊຸມວິສາມັນກ່ຽວກັບບັນຫາປາເລັສຕີນຂອງສະພາສິດທິມະນຸດສະຫະປະຊາຊາດ,ທ່ານຊາຈູຄາງ ຫົວໜ້າຄະນະຜູ້ແທນຈີນປະຈຳສະຫະປະຊາຊາດທີ່ເຊີແນວໄດ້ຮຽກຮ້ອງໃຫ້ສອງຝ່າຍປາເລັສຕີນກັບອິສຣາແອນຈົ່ງຮັກສາຄວາມອົດກັ້ນ,ຫຼີກເວັ້ນບໍ່ໃຫ້ສະຖານະການພາກພື້ນຊຸດຮ້າຍລົງຕື່ມອີກ.
ຕອນຄ່ຳມື້ດຽວກັນ,ທ່ານລາວຼົຟ ລັດຖະມົນຕີການຕ່າງປະເທດຣັດເຊຍໄດ້ໂທລະສັບລົມກັບທ່ານນາງລິຟນີ ຮອງນາຍົກລັດຖະມົນຕີທັງເປັນລັດຖະມົນຕີການຕ່າງປະເທດອິສຣາແອນ,ໄດ້ຫາລືກັນກ່ຽວກບສະຖານະການປາເລັສຕີນອິສຣາແອນ.ທ່ານລາວຼົຟກ່າວເນັ້ນວ່າ,ໃນເວລາຝ່າຍອິສຣາແອນດຳເນີນການເຄື່ອນໄຫວກອບກູ້ນັ້ນ,ຄວນຫຼີກເວັ້ນບໍ່ໃຫ້ມີອັນຕະລາຍຕໍ່ຄວາມປອດໄພດ້ານຊີວິດຂອງສາມັນຊົນປາເລັສຕີນ.
|
|
|
