|
ຈີນເຊື່ອວ່າອາຊີສາມາດກຳເນີດເລຂາທິການໃຫຍ່ສະຫະປະຊາຊາດທີ່ບັນດາຝ່າຍຮັບເອົາໄດ້ໂດຍທົ່ວໄປ
cri
ຕາມຂ່າວCRI,ທ່ານນາງຈ່ຽງຢູ ໂຄສົກກະຊວງການຕ່າງປະເທດຈີນກ່າວວ່າ,ຝ່າຍຈີນເຊື່ອວ່າ,ອາຊີສາມາດກຳເນີດເລຂາທິການໃຫຍ່ສະຫະປະຊາຊາດທີ່ບັນດາຝ່າຍຮັບເອົາໄດ້ໂດຍທົ່ວໄປ.
ໃນງານຊຸມນຸມນັກຂ່າວທີ່ຈັດຂຶ້ນຢູ່ປັກກິ່ງໃນວັນທີ6ກໍລະກົດ,ທ່ານນາງຈ່ຽງຢູກ່າວວ່າ,ຝ່າຍຈີນເດັດດ່ຽວສະໜັບສະໜູນເຂລາທິການໃຫຍ່ສະຫະປະຊາຊາດຊຸດໜ້າກຳເນີດຈາກອາຊີ,ເຊື່ອວ່າປະເທດອາຊີສາມາດຮັກສາຄວາມສາມັກຄີແລະປະສານງານ,ກຳເນີດເລຂາທິການໃຫຍ່ ທີ່ມີຄວາມສາມາດ,ມີອິດທິພົນແລະບັນດາຝ່າຍຮັບເອົາໄດ້ໂດຍທົ່ວໄປ.
ທ່ານນາງຈ່ຽງຢູກ່າວວ່າ,ຝ່າຍຈີນສະໜັບສະໜູນປະເທດສະມາຊິກສະຫະປະຊາຊາດອັນໄພສານເຊິ່ງລວມທັງປະເທດສະມາຊິກສະພາຄວາມໝັ້ນຄົງດຳເນີນການປຶກສາຫາລືກ່ຽວກັບບັນຫາເລຂາທິການໃຫຍ່,ຮັບປະກັນໃຫ້ເລຂາທິການໃຫຍ່ຊຸດໜ້າກຳເນີດຢ່າງສະດວກ.
ເລຂາທິການໃຫຍ່ສະຫະປະຊາຊາດຊຸດໜ້າຈະກຳເນີດໃນເດືອນຕຸລາປີນີ້.ຜູ່ສະໝັກຮັບເລືອກຕັ້ງແມ່ນໃຫ້15ປະເທດສະມາຊິກສະພາຄວາມໝັ້ນຄົງສະເໜີຊື່,ແລ້ວມອບໃຫ້ສະມັດຊາໃຫຍ່ສະຫະປະຊາຊາດປ່ອນບັດລົງມະຕິ.ປະເທດອາຊີຄືອິນເດຍ,ສີລັງກາ,ສ.ເກົາຫຼີແລະໄທຕ່າງໄດ້ສະເໜີຊື່ຂອງຜູ່ສະໝັກຮັບເລືອກຕັ້ງຂອງໃຜລາວ.
|
|
