|
|
 |
| (GMT+08:00)
2006-07-07 15:44:43
|
 |
|
ການເຄື່ອນໄຫວຂອງກອງທະຫານອິສຣາແອນຢູ່ແຖບກາຊາເຮັດໃຫ້ 19 ຄົນເສຍຊີວິດ
cri
Author: cai
ຕາມຂ່າວCRI:ວັນທີ 6 ກໍລະກົດ,ກອງທະຫານປ້ອງກັນປະເທດອິສຣາແອນໄດ້ດຳເນີນການເຄື່ອນໄຫວທາງການທະຫານຢູ່ພາກໃຕ້ແລະພາກເໜືອແຖບກາຊາ,ຢ່າງໜ້ອຍໄດ້ຍິງຊາວປາເລັສຕີນ 18 ຄົນຕາຍ,ທະຫານອິສຣາແອນຜູ້ໜຶ່ງເສຍຊີວິດໃນການຍິງປືນໃສ່ກັນ.
ຕາມຂ່າວແຈ້ງວ່າ,ວັນທີ 6 ກໍລະກົດ,ກອງທະຫານໜ້າດິນຂອງອິສຣາແອນໄດ້ເຂົ້າເຂດເຮືອນຢູ່ຂອງແຖບກາຊາ,ທະຫານແລະລົດຫຸ້ມເກາະຂອງອິສຣາແອນໄດ້ເຂົ້າຍຶດຄອງສາມແຫ່ງທີ່ພາກເໜືອແຖບກາຊາເຊິ່ງແຕ່ກ່ອນເປັນຈຸດຕັ້ງຖິ່ນຖານຊາວອິວ.
ມື້ດຽວກັນ,ທ່ານອັບບາສ ປະທານອົງການອຳນາດແຫ່ງຊາດປາເລັສຕີນໄດ້ອອກຖະແຫຼງການ,ກ່າວປະນາມຢ່າງຮຸນແຮງຕໍ່ກອງທະຫານອິສຣາແອນທີ່ເລື່ອນຂັ້ນການເຄື່ອນໄຫວທາງການທະຫານຢູ່ແຖບກາຊາ,ແລະຮຽກຮ້ອງໃຫ້ປະຊາຄົມໂລກເຂົ້າແຊກໃນທັນທີ,ເພື່ອສະກັດກັ້ນບໍ່ໃຫ້ການເຄື່ອນໄຫວຂອງກອງທະຫານອິສຣາແອນເລື່ອນຂັ້ນແລະປົກປ້ອງປະຊາຊົນປາເລັສຕີນ.ທ່ານໄຊອິດ ຊີຢາມ ລັດຖະມົນຕີກະຊວງພາຍໃນຂອງປາເລັສຕີນ ສະມາຊິກຊັ້ນສູງຂອງອົງການຮາມັດສ໌ກໍໄດ້ອອກຄຳສັ່ງ,ປະກາດວ່າ,ອົງການຮັກສາຄວາມປອດໄພຂອງປາເລັສຕີນເຂົ້າສູ່ສະພາວະສຸກເສີນ,ແລະຮຽກຮ້ອງໃຫ້ກອງທະຫານຮັກສາຄວາມປອດໄພຂອງປາເລັສຕີນຕ້ານການເຂົ້າຮຸກຮານຂອງກອງທະຫານອິສຣາແອນ.
ພ້ອມກັນນັ້ນ,ວັນທີ 6 ກໍລະກົດ,ກອງປະຊຸມວິສາມັນຄັ້ງທຳອິດຂອງສະພາສິດທິມະນຸດສະຫະປະຊາຊາດທີ່ຈັດຂຶ້ນຢູ່ເຊີແນວໄດ້ຜ່ານມະຕິ,ຮຽກຮ້ອງໃຫ້ອິສຣາແອນຢຸດຕິການເຄື່ອນໄຫວທາງການທະຫານ,ປ່ອຍຕົວເຈົ້າໜ້າທີ່ລັດຖະບານປົກຄອງຕົນເອງຂອງປາເລັສຕີນທີ່ຖືກຈັບຕົວ,ແລະຕົກລົງແຕ່ງຜູ້ລາຍງານພິເສດນຳພາຄະນະໄປສຳຫຼວດຢູ່ປາເລັສຕີນ.
|
|
|
