|
|
 |
| (GMT+08:00)
2006-07-09 18:42:11
|
 |
|
ຄຸນນະພາບຊີວິດການເປັນຢູ່ຂອງຜູ້ເປັນໂຣກເອດຢູ່ແຂວງເຮີນານຂອງຈີນໄດ້ຮັບການຍົກສູງຂຶ້ນຢ່າງເດັ່ນຊັດ
cri
Author: min
ຕາມຂ່າວສານຊິນຮວາ: ແຕ່ປີ 2001 ມາຮອດປະຈຸບັນ, ຫຼັງຈາກໄດ້ຮັບການປິ່ນປົວຕ້ານເຊື້ອໂຣກ, ແລະປິ່ນປົວດ້ວຍແພດແຜນຈີນແລະຢາຈີນແລ້ວ, ອາການຂອງຜູ້ເປັນໂຣກເອດຢູ່ແຂວງເຮີນານພາກກາງຂອງຈີນໄດ້ດີຂຶ້ນຢ່າງເດັ່ນຊັດ, ອັດຕາການຕາຍໄດ້ຫຼຸດໜ້ອຍລົງ, ຄຸນນະພາບຊີວິດການເປັນຢູ່ຂອງຜູ້ເປັນໂຣກເອດໄດ້ຮັບການຍົກສູງຂຶ້ນຢ່າງເດັ່ນຊັດ.
ນີ້ແມ່ນທ່ານໝາຈ້ຽນຈົ່ງ ຫົວໜ້າພະແນກສາທາລະສະສຸກແຂວງເຮີນານເຜີຍໃຫ້ຮູ້ຢູ່ເມືອງເຈີ້ງໂຈ່ວ ເທດສະບານແຂວງເຮີນານໃນວັນທີ 9 ກໍລະກົດ.
ແຂວງເຮີນານແມ່ນເຂດທີ່ສະພາບໂຣກເອດຂ້ອນຂ້າງໜັກໜ່ວງຢູ່ຈີນ. ອົງການປົກຄອງທ້ອງຖິ່ນໄດ້ດຳເນີນການປິ່ນປົວໂດຍຟີຕໍ່ຜູ້ເປັນໂຣກເອດທີ່ທຸກຍາກ, ພ້ອມກັນນັ້ນ, ຍັງໄດ້ອອກແຮງຊ່ອຍເຫຼືອຜູ້ຕິດເຊື້ອໂຣກເອດແລະຜູ້ເປັນໂຣກເອດທີ່ມີຄວາມສາມາດຜະລິດນັ້ນດຳເນີນການເຄື່ອນໄຫວຜະລິດທີ່ພວກເຂົາເຈົ້າເຮັດໄດ້, ເພື່ອໃຫ້ພວກເຂົາເຈົ້າມີລາຍໄດ້ເພີ່ມຂຶ້ນ.
|
|
|
