|
|
 |
| (GMT+08:00)
2006-07-10 17:14:30
|
 |
|
ຈີນມີຊາວກະສິກອນ 40% ຂຶ້ນໄປໄດ້ເຂົ້າຮ່ວມການຮ່ວມມືປິ່ນປົວແບບໃໝ່ຢູ່ຊົນນະບົດ
cri
Author: cai
ຕາມຂ່າວCRI:ວັນທີ 10 ກໍລະກົດ,ຢູ່ປັກກິ່ງ,ທ່ານມາວຊູນອານ ໂຄສົກກະຊວງສາທາລະນະສຸກຈີນເຜີຍໃຫ້ຮູ້ວ່າ,ປະຈຸບັນ,ຈີນມີຊາວກະສິກອນ 42% ໄດ້ເຂົ້າຮ່ວມການຮ່ວມມືປິ່ນປົວແບບໃໝ່ຢູ່ຊົນນະບົດ.
ທ່ານມາວຊູນອານແນະນຳວ່າ,ຕາມການສຳຫຼວດເທື່ອໜຶ່ງທີ່ກະຊວງສາທາລະນະສຸກມອບໝາຍໃຫ້ອົງການທີ່ກ່ຽວຂ້ອງເຮັດນັ້ນສະແດງໃຫ້ເຫັນວ່າ,ປະຈຸບັນ,ການຮ່ວມມືປິ່ນປົວແບບໃໝ່ຢູ່ຊົນນະບົດພວມດຳເນີນເປັນຢ່າງດີ;ຊາວກະສິກອນທີ່ເຂົ້າຮ່ວມການຮ່ວມມືປິ່ນປົວໄດ້ຮັບການບໍລິການປິ່ນປົວໃນລະດັບສູງກວ່າເກົ່າ;ການຮ່ວມມືປິ່ນປົວກໍໄດ້ຮັບຄວາມຊົມເຊີຍຈາກຊາວກະສິກອນ.
ການຮ່ວມມືປິ່ນປົວແບບໃໝ່ຢູ່ຊົນນະບົດແມ່ນມາດຕະການຮັບປະກັນການປິ່ນປົວລາຍໜຶ່ງຂອງຈີນທີ່ປະຕິບັດຢູ່ເຂດຊົນນະບົດເຊິ່ງໃຫ້ຊາວກະສິກອນສະໝັກໃຈເຂົ້າຮ່ວມ:ຊາວກະສິກອນອອກທຶນ 20%,ລັດຖະບານກາງແລະອົງການປົກຄອງທ້ອງຖິ່ນອອກທຶນ 80% ປະກອບເປັນກອງທຶນປິ່ນປົວ,ຊາວກະສິກອນທີ່ເຂົ້າຮ່ວມການຮ່ວມມືປິ່ນປົວສາມາດເບີກເງິນປິ່ນປົວສ່ວນໜຶ່ງຈາກກອງທຶນປິ່ນປົວ.ການຮ່ວມມືປິ່ນປົວແບບໃໝ່ຢູ່ຊົນນະບົດແມ່ນເຜີຍແຜ່ເປັນກ້າວໆແຕ່ປີ 2003 ເປັນຕົ້ນມາ,ເມື່ອຮອດປີ 2008,ຈະເຜີຍແຜ່ຮອດເຂດຊົນນະບົດທົ່ວປະເທດໂດຍພື້ນຖານ.
|
|
|
