ຕາມຂ່າວສານຈີນ: ໃນງານສຳມະນາຫົວຂໍ້ສະເພາະ "ເຂດການຄ້າເສລີອາຊຽນ-ຈີນ ການທ້າທາຍກັບໂອກາດການທຸລະກິດຂອງອິນໂດເນເຊຍ" ທີ່ຈັດຂຶ້ນຢູ່ມານາໂດ ເທດສະບານແຂວງຊູລາເວຊີ ອູຕາຣາໃນຫວ່າງມໍ່ໆນີ້, ທ່ານປູເຕຣາ ອີຣາວາດີ ຜູ່ຊ່ອຍລັດຖະມົນຕີກະຊວງວາງແຜນເສດຖະກິດອິນໂດເນເຊຍກ່າວວ່າ, ການຮ່ວມມືດ້ານເສດຖະກິດລະຫວ່າງອິນໂດເນເຊຍກັບຈີນຈະເປີດກວ້າງໄປຮອດຂົງເຂດກະສິກຳ ການປະມົງ ການຄ້າສິນຄ້າ ເຕັກນິກດ້ານໂທລະຄົມແລະຂໍ້ມູນຂ່າວສານ ການພັດທະນາຊັບພະຍາກອນມະນຸດແລະການພັດທະນາແມ່ນ້ຳຂອງເປັນຕົ້ນ.
ການຄົ້ນຄວ້າຂອງກະຊວງວາງແຜນເສດຖະກິດອິນໂດເນເຊຍເຫັນວ່າ, ການສ້າງເຂດການຄ້າເສລີອາຊຽນ-ຈີນທີ່ GDP ມີເຖິງ 2000 ຕື້ໂດລາສະຫະລັດແລະຜູ່ບໍລິໂພກມີເຖິງ 1 ຕື້ 700 ລ້ານຄົນ, ຈະເຮັດໃຫ້ຈີນສົ່ງອອກໃຫ້ອາຊຽນເພີ່ມຂຶ້ນ 55%, ອາຊຽນສົ່ງອອກໃຫ້ຈີນເພີ່ມຂຶ້ນ 48%.
|