|
ຫວ່າງມໍ່ໆນີ້,ພວກເຮົາໄດ້ຮັບຈົດໝາຍຂອງນ້ອງພອນແກ້ວ.ແກ້ວອຸດົມ ຜູ້ຟັງທີ່ໄດ້ຕິດຕາມລາຍການວິທະຍຸcriພວກເຮົາມາດົນນານ,ກ່ອນອື່ນ,ຂ້າພະເຈົ້າຂໍຕາງໜ້າພະນັກງານທຸກຄົນຂອງພາກພາສາລາວ ຂອບໃຈນ້ອງພອນແກ້ວ.ທີ່ບໍ່ພຽງແຕ່ໂຕເອງຕັ້ງໜ້າເຂົ້າຮ່ວມການເສັງຄວາມຮູ້"ຂ້ອຍກັບCRI"ຂອງພວກເຮົາ,ຍັງພາທຸກຄົນໃນຄອບຄົວເຂົ້າຮ່ວມນຳກັນ,ແລະຝາກໃບຄຳຕອບມາຫຼາຍສະບັບ,ຂອບໃຈຄອບຄົວຂອງນ້ອງພອນແກ້ວຫຼາຍໆທີ່ສະໜັບສະໜູນແລະເຂົ້າຮ່ວມລາຍການຂອງພວກເຮົາ.
ໃນຈົດໝາຍ,ນ້ອງພອນແກ້ວຍັງໄດ້ສະເໜີຄວາມຄິດຄວາມເຫັນກ່ຽວກັບລາຍການຂອງວິທະຍຸcriພວກເຮົາ,ນ້ອງຂຽນວ່າ, ອີງຕາມສະພາບການຕົວຈິງ,ໃນຊົນນະບົດກໍ່ຄືຕົວເມືອງທີ່ບໍ່ທັນມີໄຟຟ້າສະດວກແລະບໍ່ທົ່ວເຖິງ,ຄົນນິຍົມກັນຟັງວິທະຍຸCRIແລະຟັງວິທະຍຸຄື້ນອື່ນໆຫຼາຍທີ່ສຸດແລະແຜ່ລາມຢ່າງກວ້າງຂວາງ,ເພາະວ່າ,ວິທະຍຸກະຈາຍສຽງແມ່ນກະບອກສຽງໜຶ່ງທີ່ສຳຄັນໃນການສົ່ງຂໍ້ມູນຂ່າວສານໄປທົ່ວເຖິງແຕ່ລະບ່ອນແຕ່ລະຈຸດເພື່ອຮັບຮູ້ຂໍ້ມູນຂ່າວສານຕ່າງໆນາໆ.ໃນຕົວເມືອງກໍ່ຄືໃນຊົນນະບົດເຂດຫ່າງໄກສອກຫຼີກ,ສາມາດເວົ້າໄດ້ວ່າ,ແຕ່ລະເຮືອນແຕ່ລະຄອບຄົວແມ່ນໄດ້ມີວິທະຍຸໝົດ,ຕອນກາງເວັນ,ປະຊາຊົນໄດ້ຖືໄປນາໄປສວນ,ຄົນທັງຫຼາຍໄດ້ຟັງຢ່າງຟົດສະນັ່ນແລະອອນຊອນຫຼາຍ,ສ່ວນຕອນກາງຄືນແມ່ນຄົນນິຍົມກັນຟັງວິທະຍຸຫຼາຍທີ່ສຸດ,ໂດຍສະເພາະແມ່ນຮັບຟັງວິທະຍຸCRIພາກພາສາລາວ,ວ່ອງໄວທັນໃຈ,ຂໍ້ມູນຂ່າວສານຖືກຕ້ອງຕາມຄວາມເປັນຈິງ,ມີຄວາມບັນເທິງແລະມີສາລະໜ້າຮູ້ຫຼວງຫຼາຍຈົນຄົນນິຍົມ.
ເມື່ອໄດ້ອ່ານຈົດໝາຍສະບັບນີ້ແລ້ວ,ພະນັກງານພາກພາສາລາວພວກເຮົາຮູ້ສຶກມີກຳລັງໃຈຫຼາຍ,ເພາະມີເພື່ອນລາວຫຼາຍປານນີ້ມັກຟັງລາຍການຂອງພວກເຮົາ.ສຸດທ້າຍ,ກໍ່ຂໍສະແດງຄວາມດີໃຈແລະຄວາມຂອບອົກຂອບໃຈຂອງພວກເຮົາມາຕາມສຽງເພງຂອງທ່ານວາງລີຮົງ,ເພງນີ້ຊື່ວ່າ"ຢ້າງໂອສຸຍໜວນ",ແປວ່າ"ໃຫ້ຂ້ອຍອົບອຸ່ນ.
|
