|
ຂໍ້ສະເໜີບາງຂໍ້ສຳລັບຜູ້ທີ່ມັກນອນເດິກເລື້ອຍໆ
cri
|
ຖ້າວ່າທ່ານໄດ້ນອນກ່ອນ12ໂມງກາງຄືນຢ່າງເປັນປົກກະຕິ, ທ່ານອາດຈະດີໃຈຫຼາຍ. ແຕ່ຖ້າທ່ານນອນເດິກເລື້ອຍໆ, ຕື່ນເຊົ້າມາ, ເຫັນຕາໂປໆ, ຂອບຕາດຳໆດ ທ່ານອາດຈະຕ້ອງພິຈາລະນາສຸຂະພາບຂອງຕົນແລະສຸຂະພາບຜິວໜັງ, ສະນັ້ນຈິ່ງມີຂໍ້ສະເໜີແນະດັ່ງນີ້.
ໜຶ່ງ, ໃຫ້ເອົາໃຈໃສ່ນຳອາຫານຄ່ຳ
ຖ້ານອນບໍ່ອີ່ມ, ຜິວໜັງອາດຈະເສຍທາດບຳລຸງຫຼາຍເກີນໄປ, ສະນັ້ນ, ໃນອາຫານຄ່ຳຄວນກິນອາຫານທີ່ມີວິຕາມິນCແລະອາຫານທີ່ມີສຽນໂປຼຕິນໂຄລາເຢັນ, ເພື່ອຊ່ອຍໃຫ້ຜິວໜັງຟື້ນຟູຄວາມເຄັ່ງແລະມີສີສັນ. ແຕ່ບໍ່ຄວນກິນອາຫານເຜັດ, ຜູ້ມີຜິວໜັງທີ່ມັກແພ້, ບໍ່ຄວນກິນອາຫານທະເລຫຼາຍ. ເຄື່ອງດື່ມປະເພດເຫຼົ້າຈະພາໃຫ້ຜິວໜັງດູດຮັບເອົາທາດບຳລຸງໄດ້ໜ້ອຍ, ສະນັ້ນບໍ່ຄວນດື່ມຫຼາຍ.
ສອງ, ຕ້ອງກິນນ້ຳໃຫ້ພຽງພໍ.
ຍາມນອນເດິກ, ຄວນເອົາໃຈໃສ່ໃຫ້ອາກາດໃນຫ້ອງລຸລ່ວງດີແລະຮັກສາຄວາມຊຸ່ມຊື່ນ.
ສາມ, ນອນເດິກແຕ່ບໍ່ຄວນລ້າງໜ້າຄ່ຳໂພດ.
ທຳມະດາແລ້ວ, ລະຫວ່າງແຕ່10ໂມງຫາ11ໂມງຄ່ຳ, ຜິວໜັງຈະເຂົ້າສູ່ສະພາບຮັກສາບຳລຸງ, ຖ້າດັ່ງນັ້ນ, ເຖິງວ່າບໍ່ນອນ, ແຕ່ຜິວໜັງກໍຮັບເອົານ້ຳເພີ່ມຕື່ມແລະຮັບເອົາທາດບຳລຸງໄດ້ເປັນປົກກະຕິ.
ສີ່, ຕ້ອງຮັກສາຄວາມສະຫງົບດີໃນສະພາບຊຸມແຊ່ວ
ຍ້ອນວ່າຢູ່ເດິກ, ບໍ່ໄດ້ນອນ, ຄົນທົ່ວໄປມັກຈະກິນຊາປຸກ, ກາເຟຫຼືກິນເຫຼົ້າເພື່ອແກ້ຫິວນອນນີ້ແມ່ນວິທີທີ່ຜູ້ຢູ່ເດິກໃຊ້ເລື້ອຍໆ. ແຕ່ເຮັດຈັ່ງຊີ້ມັກພາໃຫ້ຂອບຕາດຳແລະຖົງຕາ.
ຫ້າ, ຜູ້ມັກນອນເດິກຕ້ອງມີວິທີຮັກສາກະເພາະ
ຜູ້ທີ່ມັກນອນເດິກກໍມັກມີພະຍາດກະເພາະລຳໄສ້, ຕ້ອງປົວດ້ວຍອາຫານເພື່ອຮັກສາກະເພາະ.
ຫົກ, ເລື່ອງທີ່ຄວນເອົາໃຈໃສ່ໃນເວລານອນເດິກ.
1, ໃນເວລາຢູ່ເດິກຖ້າບໍ່ແລ້ວວຽກເທື່ອ, ຢ່າປະວວຽກໄປນອນ, ຕ້ອງແລ້ວວຽກແລ້ວຈິ່ງນອນ.
2, ຖ້າຢາກນອນແຮງ, ກໍຊົງກາເຟຫຼືນ້ຳຊາກິນເພື່ອໃຫ້ຊື່ນຂຶ້ນ, ແຕ່ຄວນກິນຮ້ອນໆແລະຢ່າປຸກຫຼາຍ.
3, ໃນເວລາຢູ່ເດິກ, ສະໝອງຕ້ອງການອັອກຊີແຊນຫຼາຍ, ສະນັ້ນຄວນຫາຍໃຈຍາວເລື້ອຍໆ.
4, ເມື່ອແລ້ວວຽກ, ຕ້ອງລະວັງປ່ອຍໃຫ້ຈິດໃຈສະຫງົບລົງ.
ເຈັດ, ເມື່ອຢູ່ເດິກແລ້ວ, ມີວິທີແກ້
ຄື1, ກ່ອນນອນຫຼືຕື່ນນອນແລ້ວໃຊ້ເວລາ5ນາທີຮອດ10ນາທີພອກໜ້າ, ເພື່ອຈູນນ້ຳໃຫ້ຜິວໜ້າ.
2, ເມື່ອຕື່ນນອນແລ້ວໃຊ້ນ້ຳເຢັນກັບນ້ຳຮ້ອນຜັດປ່ຽນກັນລ້າງໜ້າເພື່ອກະຕຸ້ນເສັ້ນເລືອດຕາມໃບໜ້າແລ່ນດີ.
3, ເມື່ອທາຄີມລ້ຽງຜິວ, ຄວນນວດໜ້າປະມານ5ນາທີ.
4, ຕື່ນເຊົ້າມາໃຫ້ດື່ມນ້ຳໝາກເກົາກີ້ຈອກໜຶ່ງເພື່ອບຳລຸງຮ່າງກາຍ.
5, ຫັດກາຍແບບງ່າຍໆ, ເຊັ່ນບິດຄີງບິດໂຕເພື່ອເຮັດໃຫ້ຈິດໃຈຊື່ນຂຶ້ນ.
6, ອາຫານເຊົ້າຕ້ອງກິນໃຫ້ອີ່ມ, ແຕ່ຢ່າກິນອາຫານເຢັນ.
ນ້ຳໝາກໄມ້5ຊະນິດທີ່ເໝາະສຳລັບຜູ້ນອນເດິກ.
ມື້ຈະຢູ່ເດິກ, ອາຫານຄ່ຳຄວນກິນອາຫານຈ່າງເຊັ່ນຜັກແລະໝາກໄມ້ເປັນຕົ້ນ, ຈະມີຜົນດີຕໍ່ສຸຂະພາບໃນຍາມຢູ່ເດິກ. ນ້ຳໝາກໄມ້5ຊະນິດທີ່ເຮັດໃຫ້ຄົນມີກຳລັງວັງຊາແລະມີຜົນດີຕໍ່ຜິວໜັງນັ້ນແມ່ນ:
1, ນ້ຳໝາກໄມ້ປະສົມຄືເອົາໝາກໂປ້ມ, ຫົວກາຫຼົດ, ຜັກຕີນເປັດແລະຜັກເຊເລີລີຊອຍເປັນຕ່ອນ, ນ້ອຍ, ວາງໃສ່ໃນເຄື່ອນປັ່ນນ້ຳໝາກໄມ້ແລ້ວຖອກນ້ຳນົມ, ນ້ຳເຜິ້ງແລະນ້ຳກ້ອນໃສ່, ປັ່ນໃຫ້ລະອຽດລະອຽດແລ້ວຖອກໃສ່ຈອກກໍແມ່ນນ້ຳໝາກໄມ້ທີ່ມີທາດບຳລຸງທີ່ອຸດົມສົມບູນ.
2, ເອົາໝາກກ້ວຍ, ໝາກຫຸ່ງສຸກແລະນົມສົ້ມປັ່ນໃສ່ນຳກັນ, ມີທາດບຳລຸງອຸດົມສົມບູນສາມາດຕາມຈູບກາໂລຣີໃຫ້ຮ່າງກາຍ.
3, ເອົາໝາກກີວີສອງໜ່ວຍ, ໝາກກ້ຽງ4ໜ່ວຍ, ໝາກນາວໜ່ວຍໜຶ່ງ, ປັ່ນເປັນນ້ຳ, ຈະມີວິຕາມິນເຊອຸດົມສົມບູນ, ບຳລຸງກາໂລຣີຮ່າງກາຍທັງເຮັດໃຫ້ຜິວໜັງງາມ.
4, ເອົາໝາກກ້ຽງໃຫຍ່3ໜ່ວຍແກະເປືອກອອກແລ້ວຄັນເອົານ້ຳ, ອະງຸ່ນພົ້ວໜຶ່ງກໍປັ່ນເປັນນ້ຳ, ໃສ່ນ້ຳເຜິ້ງສອງບ່ວງແກງ, ມີລົດສົ້ມໆຫວານໆພິເສດ.
5, ເອົາໝາກແຕງໜ່ວຍໜຶ່ງ, ນ້ຳເຕົາຮູ້ເຄິ່ງລິດ, ຜັກກ້ານກ່ຳ3ຍອດ, ປັ່ນເປັນນ້ຳໝາກແຕງເຢັນ, ທັງແກ້ຮ້ອນທັງແກ້ເມື່ອຍ.
|
|
