|
|
 |
| (GMT+08:00)
2006-07-11 15:45:57
|
 |
|
ຈາກການຄົ້ນຄວ້າໄດ້ສັງເກດເຫັນວ່າລົດນິຍົມຂອງເດັກນ້ອຍມີສ່ວນໜຶ່ງແມ່ນໄດ້ມາຈາກກຳມະພັນ
cri
|
ຕາມຂ່າວສານຊິນຮວາ, ທ່ານເຈນ ເວີແດວ ສາສະດາຈານສະມາຄົມຄົ້ນຄວ້າໂຣກມະເຮັງອັງກິດໄດ້ປະກາດບົດຄວາມລົງໃສ່ວາລະສານສະລີລະສາດກັບການເຄື່ອນໄຫວສະບັບເວບໄຊໂດຍຂຽນວ່າ, ການຄົ້ນຄວ້າລາຍໜຶ່ງໄດ້ຄົ້ນພົບວ່າ, ລົດນິຍົມຕໍ່ອາຫານປະເພດຊີ້ນແລະປະເພດປາຂອງເດັກນ້ອຍແມ່ນໄດ້ມາຈາກກຳມະພັນ, ສ່ວນລົດນິຍົມຕໍ່ຜັກແລະຂອງຫວານມີຂຶ້ນຍ້ອນຄວາມຊິນເຄີຍພາຍລຸນ.
ທ່ານເວີແດວກ່າວວ່າ, ຜູ້ຊ່ຽວຊານໄດ້ຄົ້ນເຫັນເປັນຄັ້ງທຳອິດວ່າ, ຄວາມແຕກຕ່າງກັນໃນດ້ານລົດຊາດອາຫານນັ້ນແມ່ນໄດ້ມາຈາກກຳມະພັນສ່ວນຫຼາຍ.
ນັກວິທະຍາສາດໄດ້ປຽບທຽບລົດນິຍົມຂອງລູກຝາແຝດໄຂ່ໜ່ວຍດຽວກັນກັບລູກຝາແຝດໄຂ່ສອງໜ່ວຍແລ້ວເຫັນວ່າ, ລົດນິຍົມສ່ວນໜຶ່ງແມ່ນໄດ້ມາຈາກກຳມະພັນ, ອີກສ່ວນໜຶ່ງຄ່ອຍໆຊິນເຄີຍຫຼັງເກີດອອກຈາກທ້ອງແມ່.
ນັກຄົ້ນຄວ້າເອົາລາຍຊື່ອາຫານໃບໜຶ່ງທີ່ມີອາຫານ77ເຍື່ອງ, ໃຫ້ແມ່ຂອງລູກຝາແຝດໄຂ່ໜ່ວຍດຽວກັນ103ຄູ່ທີ່ມີອາຍຸ4-5ຂວບແລະລູກຝາແຝດໄຂ່ສອງໜ່ວຍ111ຄູ່ບອກວ່າລູກຂອງຕົນມັກອາຫານເຫຼົ່ານີ້ເຖິງລະດັບໃດ. ຍ້ອນວ່າແຊນຂອງລູກຝາແຝດໄຂ່ໜ່ວຍດຽວກັນນັ້ນແມ່ນຄືກັນໝົດ, ສ່ວນລູກຝາແຝດໄຂ່ຕ່າງກັນມີແຕ່ແຊນເຄິ່ງໜຶ່ງຄືກັນ, ສະນັ້ນເພື່ອທຽບໃສ່ກັນວ່າພວກເຂົາເຈົ້າມັກອາຫານປະເພດໃດຈິ່ງສະແດງອອກໃຫ້ເຫັນວ່າລົດນິຍົມໃດຂອງພວກເຂົາເຈົ້າແມ່ນໄດ້ມາຈາກກຳມະພັນ, ລົດຊາດໃດແມ່ນໄດ້ມາຈາກຜົນສະທ້ອນຂອງສະພາບພາຍນອກ.
ປະຈຸບັນ, ຍັງບໍ່ທັນຮູ້ວ່າແມ່ນປັດໄຈໃດທີ່ເຮັດໃຫ້ເດັກນ້ອຍມັກລົດຊາດຕ່າງກັນຕໍ່ໝາກໄມ້, ຜັກແລະຂອງຫວານ, ແຕ່ຜູ້ຊ່ຽວຊານຊີ້ອອກວ່າ, ອາດຈະແມ່ນຖືກຜົນສະທ້ອນຈາກພໍ່ແມ່.
ທ່ານເວີແດວເວົ້າວ່າ, ເວລາເດັກນ້ອຍເຫັນພໍ່ແມ່ສະແດງອາລົມມັກຮັກຫຼືບໍ່ມັກອາຫານຊະນິດໃດໜຶ່ງ, ພວກເຂົາອາດຈະເຮັດຕາມ.
|
|
|
