ຕາມ​ຂ່າວ CRI: ການ​ເຄື່ອນ​ໄຫວ "ພ້ອມ​ກັນ​ບັນ​ເລງ​ດົນຕີ​ງານ​ກິລາ​ໂອ​ລິ​ມປິກ" ຂອງ​ຊາວ​ໜຸ່ມ​​ເຍົາວະ​ຊົນສາກົນ​ຈະ​ຈັດ​ຂຶ້ນຢູ່​ທີ່​ປັກ​ກິ່ງ​ແຕ່​ວັນ​ທີ 13 ​ເຖິງ​ວັນ​ທີ 15 ກໍ​ລະ​ກົດ.

ການ​ເຄື່ອນ​ໄຫວ​ດັ່ງກ່າວ​ຈະ​ລວມທັງ ການສະ​ແດງ​ຢູ່​ຖະໜົນ​ຫວາງ​ຝູຈິງ ການສະ​ແດງ​​ເປີດ​ສາກ​ງານ​ຮ້ອງ​ເພງ​ຮວມໝູ່​ສາກົນ​ຄັ້ງທີ 8 ງານ​ດົນຕີ​ເຄື່ອງ​​ເປົ່າປັກ​ກິ່ງ​ແລະ​ນັກ​ດົນ​ຕີ​ຂອງ​ບັນ​ດາ​ປະ​ເທດ​ປິນຂຶ້ນກຳ​ແພງ​ເມືອງ​ຈີນ​ເປັນຕົ້ນ. ຮອດ​ເວລາ​ນັ້ນ, ຈະ​ມີ​ຊາວ​ໜຸ່ມ​ເຍົາ​ວະ​ຊົນ 1500 ຄົນ​ທີ່​ມາ​ຈາກ 13 ປະ​ເທດ​ແລະ​ເຂດ​ແຄວ້ນ​ຄື ອາ​ເມ​ລິ​ກາ ສ.​ເກົາຫຼີ ຣັດ​ເຊຍ ນູ​ແວນ​ເຊ​ລັງ​​ແລະ​ຮົງ​ກົງ ມາ​ກາວ​ແລະ​ໄຕ້​ຫວັນ​ຈີນ​ເປັນຕົ້ນຈັດ​​ເປັນ 23 ກອງ​ເຂົ້າຮ່ວມ​ການ​ສະ​ແດງ, ພວກ​ເຂົາ​ເຈົ້າ​ຈະ​ສະ​ແດງ​ຄວາມ​​ເຊື່ອມ​ຊຶມ ຄວາມ​ຄອງ​ຄອຍ​ແລະຄວາມ​ຝັກ​ໄຝ່ຕໍ່​ງານ​ກິ​ລາ​ໂອ​ລິມ​ປິກ​ດ້ວຍ​ສຽງ​ດົນ​ຕີ​ແລະ​ຟ້ອນລຳ​ທີ່​ເຕັມ​ໄປ​ດ້ວຍ​ຮີດຄອງປະ​ເພນີ​ຊົນ​ຊາດ.