ຕາມ​ໜັງສືພິມ​ເຢັນ​ມິນ​ຢື້​ປ້າວ​ຂອງ​ຈີນ: ກົດໝາຍວ່າ​ດ້ວຍສັນຊາດ​​ອິນ​ໂດ​ເນ​ເຊຍ​ສະ​ບັບ​ໃໝ່​ມີ​ຫວັງ​ຈະ​ໄດ້​ຜ່ານ​ຮັບຮອງ​ໃນ​ກອງ​ປະຊຸມ​ຄົບ​ຄະນະ​ລັດຖະສະພາ​​ໃນ​ວັນ​ທີ 11 ກໍ​ລະ​ກົດ, ຍ້ອນ​ກົດ​ໝາຍ​ວ່າ​ດ້ວຍສັນຊາດ​ສະບັບ​ໃໝ່​ໄດ້​ຍົກ​ເລີກ​ຂໍ້​ມາດຕາທີ່​ມີ​ລັກສະນະ​ຈຳ​ແນ​ກ​ໃນ​ກົດ​ໝາຍ​ສະ​ບັບ​ເກົ່າ, ສະນັ້ນຈຶ່ງ​ໄດ້​ຮັບ​ຄວາມ​ເອົາ​ໃຈ​ໃສ່​ແລະ​ຄວາມຊົມ​ເຊີຍ​ຈາກ​ສັງ​ຄົມ​ຊາວ​ຕ່າງ​ດ້າວ​ອັນ​ໄພ​ສານ ​ໂດຍ​ສະ​ເພາະ​ແມ່ນ​ສັງຄົມ​ຊາວ​ຈີນ​ທີ່​ອາ​ໄສ​ຢູ່​ອິນ​ໂດ​ເນ​ເຊຍ.

ຕາມ​ໄດ້​ຊາບ, ກົດໝາຍ​ວ່າ​ດ້ວຍສັນຊາດ​ສະບັບ​ໃໝ່​ໄດ້​ກຳນົດ​ໄວ້​ວ່າ, ລູກ​ຂອງ​ພົນລະ​ເມືອງ​ເຊື້ອ​ສາຍ​ຕ່າງ​ປະ​ເທດທີ່​ເກີດ​ຢູ່​ອິນ​ໂດ​ເນ​ເຊຍ​ໝົດ​ທຸກ​ຄົນ​ຈະ​ກາຍ​ເປັນ​ພົນ​ລະ​ເມືອງ​ອິນ​ໂດ​ເນ​ເຊຍ​ໂດຍ​ອັດຕະ​ໂນ​ມັດ.