|
ການປ້ອງກັນແລະປົວໂຣກເອດ, ພະຍາດວັນນະໂຣກແລະໄຂ້ຍຸງຂອງຈີນໄດ້ຮັບເງິນບໍລິຈາກຈາກມູນນິທິທົ່ວໂລກ
cri
Author: min
ຕາມຂ່າວສານຊິນຮວາ: ວັນທີ 11 ກໍລະກົດ, ຈີນໄດ້ຮັບເງິນບໍລິຈາກ 121 ລ້ານໂດລາສະຫະລັດຈາກມູນນິທິໂຣກເອດ, ວັນນະໂຣກແລະໄຂ້ຍຸງທົ່ວໂລກ, ແລະຈະໃຊ້ເຂົ້າໃນການປ້ອງກັນແລະປົວພະຍາດ 3 ປະເພດດັ່ງກ່າວໃນ 5 ປີຂ້າງໜ້າ.
ເພື່ອປ້ອງກັນບໍ່ໃຫ້ເຊື້ອ HIV ເກີດການແຜ່ລະບາດ ຮອບໃໝ່ຢູ່ຈີນ, ໂຄງການໂຣກເອດຂອງມູນນິທິທົ່ວໂລກຈະກວມເອົາຕົວເມືອງ 18 ແຫ່ງໃນ 7 ແຂວງແລະເຂດປົກຄອງຕົນເອງທີ່ມີຄວາມອັນຕະລາຍທີ່ເຊື້ອ HIV ຈະແຜ່ລະບາດ, ເຊັ່ນ: ຈຸງກິງ, ແຂວງລຽວນິງ, ເຂດນິງເຊ້ຍເຜົ່າຮຸຍປົກຄອງຕົນເອງເປັນຕົ້ນ, ເພື່ອສະກັດກັ້ນບໍ່ໃຫ້ເຊື້ອ HIV ແຜ່ລະບາດ. ໂຄງການພະຍາດວັນນະໂຣກຈະກວມເອົາ 20 ແຂວງແລະເຂດຂອງຈີນ, ໂດຍມີຈຸດປະສົງເພື່ອຫຼຸດອັດຕາການເປັນພະຍາດແລະອັດຕາການຕາຍຂອງຝຸງຄົນຕິດເຊື້ອ HIV ທີ່ເປັນວັນນະໂຣກແລະປະຊາກອນຍົກຍ້າຍທີ່ເປັນວັນນະໂຣກຢູ່ຈີນ. ຈຸດປະສົງຂອງໂຄງການໄຂ້ຍຸງແມນເພື່ອສະກັດກັ້ນບໍ່ໃຫ້ພະຍາດໄຂ້ຍຸງຢູ່ພາກກາງຂອງຈີນກຳເລີບຂຶ້ນອີກແລະຫຼຸດການຫາບແບກປົວໄຂ້ຍຸງຂອງເຂດທຸກຍາກຢູ່ພາກກາງແລະພາກໃຕ້ຈີນ.
|
|
