ຕາມ​ຂ່າວສານ​ຈີນ: ວັນ​ທີ 11 ກໍລະກົດ, ​ໃນ​ເວລາ​ຕອບ​ຄຳ​ຖາມ​ຢູ່​ທີ່​ສະພາ​ຕ່ຳ, ທ່ານ​ໂກ​ມາ​ລາ ດີ​ວີ ​ເລຂາທິການ​ກະຊວງ​ສຶກສາ​ທິການມາ​ເລ​ເຊຍ​ກ່າວ​ວ່າ, ກະຊວງ​ສຶກ​ສາ​ທິ​ການ​ໄດ້​ມີ​ແຜນ​ການ​ແລ້ວ​ຈະ​ລົງທຶນ 174 ລ້ານ 3 ​ແສນ 4 ໝື່ນ​ລິນ​ກິດ, ​ໃຊ້​ເຂົ້າ​ໃນ​ການ​ສ້າງ​ໂຮງ​ຮຽນ​ປະ​ຖົມ​ຂອງ​ຊາວ​ຈີນ​ທີ່​ອາ​ໄສ​ຢູ່​ມາ​ເລ​ເຊຍ.

ກ່ອນ​ໜ້າ​ນີ້, ກະຊວງ​ສຶກສາ​ທິການ​ມາ​ເລ​ເຊຍ​ໄດ້​ກ່າວ​ເນັ້ນຫຼາຍ​ເທື່ອ​ວ່າ, ຈະ​ສ້າງ​​ແລະ​​ແຈກ​ຢາຍ​ໂຮງຮຽນ​ປະ​ຖົມ​ຕື່ມ​ອີກ​ຕາມສະພາບ​ການ​ແລະ​ຄວາມ​ຕ້ອງການ, ຈະ​ບໍ່​ເບິ່ງ​ຂ້າມ​ໂຄງ​ການ​ສ້າງ​ໂຮງຮຽນ​ປະຖົມ​ຂອງຊາວ​ຈີນທີ່​ອາ​ໄສ​ຢູ່​ມາ​ເລ​ເຊຍ​ຢ່າງ​ເດັດ​ຂາດ.