ຕາມຂ່າວສານຊິນຮວາ: ຕາມຂ່າວຈາກພະແນກວັດຖຸບູຮານນະຄອນປັກກິ່ງ, ແຕ່​ປີ 2000 ເປັນ​ຕົ້ນ​ມາ, ພາກສ່ວນ​ອະນຸລັກ​ວັດຖຸບູຮານ​ນະຄອນ​ປັກ​ກິ່ງ​ພວມ​ປະຕິ​ສັງ​ຂອນ​ວັດ​ວາ​ອາ​ຮາມ​ທີ່​ໃກ້​ຈະ​ພັງ​ທະ​ລາ​ຍ​ໃນ​ທົ່ວ​ນະຄອນ​ປີ​ລະ 30 ​ກວ່າແຫ່ງ​, ​ກ່ອນ​ປີ 2008 ຈະ​ປະ​ຕິ​ສັງ​ຂອນ​ວັດ​ວາ​ອາ​ຮາມ 200 ກວ່າ​ແຫ່ງ​ໃຫ້​ສຳ​ເລັດ​ຜົນ.

ນະຄອນ​ປັກ​ກິ່ງມີ​ປະຫວັດ 3000 ກວ່າ​ປີ​, ​ ແຕ່​ຈີນ​ມີວັດວາອາ​ຮາມ ​1500 ກວ່າ​ປີ​​​ມາ​ນີ້, ລາ​ຊະ​ວົງ​ຕ່າງໆ​ໄດ້​ສ້າງ​ວັດວາອາ​ຮາມ​ຢູ່​ນະຄອນ​ປັກ​ກິ່ງ​ເປັນ​ຈຳ​ນວນ​ຫຼວງ​ຫຼາຍ​, ມີ​ຈຳ​ນວນ​ຫຼາຍ​ກວ່າ​ໝູ່​ໃນ​ທົ່ວ​ປະ​ເທດ​ຈີນ. ​ເນື່ອງ​ຈາກ​ວັດ​ວາ​ອາ​ຮາມ​ເຫຼົ່າ​ນີ້​ມີ​ປະ​ຫວັດ​ຍາວ​ນານ​ແລະບໍ່​ໄດ້​ປະຕິສັງຂອນ​, ວັດວາອາ​ຮາມ​ທີ່​ມີ​ຢູ່​ໃນ​ປັດ​ຈຸ​ບັນ​ພວມ​ນັບ​ມື້​ນັບ​ຊຸດ​ໂຊມ​ລົງ.

ຕາມ​ໄດ້​ຊາບ, ​ໂຄງການ​ປະຕິສັງຂອນ​ເທື່ອ​ນີ້, ລວມທັງ​ໝົດ ລັດຖະບານ​ຈະ​ລົງ​ທຶນ 900 ລ້ານ​ຢວນ.