|
ວັດຖຸບູຮານຂອງເມືອງຮ້າງລາຊະທານີທ້າຍສະໄຫມລາຊະວົງຊ່າງຂອງຈີນເສຍໄປຕົກຢູ່ຕ່າງປະເທດປະມານ 5 ຫມື່ນເຄື່ອງ, ເຈົ້າຫນ້າທີ່ຈີນກ່າວວ່າຈະບໍ່ປະລະສິດທິທວງເອົາຄືນ
cri
Author: sayvanny
ຕາມຂ່າວສານຊິນຮວາ:ການສຳຫລວດໃຫມ່ສຸດລາຍຫນຶ່ງຂອງຈີນບອກໃຫ້ຮູ້ວ່າ, ພາຍໃນເວລາຮ້ອຍກວ່າປີທີ່ຜ່ານມາ, ວັດຖຸບູຮານຂອງເມືອງຮ້າງລາຊະທານີທ້າຍສະໄຫມລາຊະວົງຊ່າງຂອງຈີນໄດ້ເສຍໄປຕົກຢູ່ຕ່າງປະເທດຢ່າງຫນ້ອຍ 5 ຫມື່ນກວ່າເຄື່ອງຕາມຊ່ອງທາງຕ່າງໆຄືການລັກ,ປຸ້ນເປັນຕົ້ນ. ເຈົ້າຫນ້າທີ່ຈີນກ່າວວ່າ, ຈີນຈະບໍ່ປະລະສິດທິທວງເອົາວັດຖຸບູຮານທີ່ເສຍໄປຕົກຢູ່ຕ່າງປະເທດຢ່າງຜິດກົດຫມາຍເຫລົ່ານີ້ຕາມສົນທິສັນຍາສາກົນ.
ວັນທີ 12 ກໍລະກົດ,ກອງປະຊຸມຄະນະກຳມະການມໍລະດົກໂລກຄັ້ງທີ 30 ຂອງອົງການຢູເນັສໂກສະຫະປະຊາຊາດໄດ້ພິຈາລະນາຜ່ານ,ຈັດເອົາເມືອງຮ້າງລາຊະທານີທ້າຍສະໄຫມລາຊະວົງຊ່າງຂອງຈີນເຂົ້າເປັນມໍລະດົກວັດທະນະທຳໂລກ.ມື້ດຽວກັນ, ທ່ານລິໄຜຊົງ ຮອງຫົວຫນ້າພະແນກຫໍພິພິທະ ພັນຂອງກົມວັດຖຸບູຮານແຫ່ງຊາດຈີນເວົ້າຕໍ່ນັກຂ່າວວ່າ, ສະຫະປະຊາຊາດໄດ້ຮັບຮູ້ຫລັກການສົ່ງຄືນວັດຖຸຮູບຮານປຸ້ນສະດົມເອົາໃນໄລຍະສົງຄາມດ້ວຍຮູບການສົນທິສັນຍາສາກົນແຕ່ດົນແລ້ວ,ແຕ່ທ່າທີມະລຸ້ມມະລ້ວຍຂອງປະເທດໄດ້ຮັບຜົນຈາກວັດຖຸທີ່ເສຍໄປນັ້ນໄດ້ກາຍເປັນອຸປະສັກອັນໃຫຍ່ໂຕທີ່ກີດຂວາງການປະຕິບັດສົນທິສັນຍາດັ່ງກ່າວ.
ເມືອງຮ້າງລາຊະທານີທ້າຍສະໄຫມລາຊະວົງຊ່າງທີ່ຕັ້ງຢູ່ໃນເມືອງອານຢາງແຂວງເຫີນານຈີນປັດຈຸບັນແມ່ນຕົວແທນສຳຄັນຂອງອາລະຍະທຳທອງສຳລິດກ່ອນຄ.ສ.ສະຕະວັດທີ 14 ຫາກ່ອນຄ.ສ.ສະຕະວັດທີ 11.
|
|
