ຕາມ​ຂ່າວ CRI: ວັນ​ທີ 14 ກໍລະກົດ, "ການ​ເຄື່ອນ​ໄຫວ​ຕ້ານ​ການລອກ​ແບບຮ້ອຍ​ມື້" ທີ່ ​10 ກວ່າ​ພາກ​ສ່ວນ​ລັດຖະບານຈີນ​ຮ່ວມ​ກັນ​ລິ​ເລີ່​ມນັ້ນ ​ໄດ້​ເລີ່​ມຈັດ​ຂຶ້ນຢູ່​ທີ່​ປັກ​ກິ່ງ. ​ພາຍ​ໃນ 100 ມື້​ເຊິ່ງ​ເລີ່ມ​ແຕ່​ມື້​ອື່ນ​ເປັນຕົ້ນ​ໄປ​, ຈະ​ໂຈມ​ຕີວິ​ສາ​ຫະກິດ​ແລະ​​ບຸກຄົນສ່ວນ​ຕົວ​ທີ່​ຜະ​ລິດ ສະ​ສົມ​ໄວ້​ແລະ​ຈຳໜ່າຍ​ຜະລິດ​ຕະພັນ​ໂອ​ດີ​ໂອ​ແລະ​ວີ​ດີ​ໂອ​ແລະຊອຟ​ແວ​ຄອມ​ພິວ​ເຕີ​ທີ່​ລອກ​ແບບ​ຢ່າງ​ຜິດ​ກົດ​ໝາຍ.

ການ​ເຄື່ອນ​ໄຫວ​ເທື່ອ​ນີ້​ຈະ​ເຕືອນ​ໃຫ້​ບຸກຄົນ​ສ່ວນ​ຕົວ​ແລະ​ວິ​ສາ​ຫະກິດ​ທີ່​ຜິດ​ກົດ​ໝາຍ​ຈົ່ງ​ຕື່ນ​ຕົວ​ມອບ​ຜະລິດ​ຕະພັນທີ່​ຜິດ​ກົດ​ໝາຍນັ້ນອອກ​ມາ​ພາຍ​ໃນ​ເວລາ​ເດືອນ​ໜຶ່ງ​. ​ເມື່ອ​ເດືອນ​ໜຶ່ງ​ຜ່ານ​ໄປ​ແລ້ວ, ບຸກຄົນ​ສ່ວນ​ຕົວ​ແລະ​ວິ​ສາ​ຫະກິດ​ທີ່​ທຸລະ​ກິ​ດຜະ​ລິດຕະ​ພັນ​ລອກ​ແບບ​ຈະ​ຖືກ​ລົງ​ໂທດ ​ເຊິ່ງລວມທັງ​ປັບ​ໄໝ ຍຸບ​ຄຸນ​ວຸດ​ທິທຸລະ​ກິດ​ແລະ​ສືບ​ຫາ​ຄວາມ​ຮັບ​ຜິດ​ຊອບ​ທາງ​ອາ​ຍາ​ເປັນ​ຕົ້ນ.