|
|
 |
| (GMT+08:00)
2006-07-15 19:51:36
|
 |
|
ລັດຖະບານກຳປູເຈຍໄດ້ຜ່ານຮ່າງກົດໝາຍຕ້ານການຟອກເງິນແລະລະດົມທຶນກໍ່ການຮ້າຍ
cri
ຕາມຂ່າວສານຊິນຮວາ,ວັນທີ14ກໍລະກົດ,ລັດຖະບານລາຊະອານາຈັກກຳປູເຈຍໄດ້ຈັດກອງປະຊຸມຄະນະລັດຖະບານຢູ່ສຳນັກນາຍົກລັດຖະມົນຕີ,ໄດ້ພິຈາລະນາແລະຜ່ານຮັບຮອງຮ່າງກົດໝາຍຕ້ານການຟອກເງິນແລະລະດົມທຶນກໍ່ການຮ້າຍ.
ຮ່າງກົດໝາຍດັ່ງກ່າວລວມມີ7ພາກສ່ວນ33ມາດຕາ,ເຊິ່ງແມ່ນທະນາຄານແຫ່ງຊາດກຳປູເຈຍແລະພາກສ່ວນຕ່າງໆຂອງລັດຖະບານກຳປູເຈຍເຊັ່ນກະຊວງພາຍໃນ,ກະຊວງປ້ອງກັນປະເທດແລະກະຊວງການເງິນເປັນຕົ້ນຮ່ວມມືກັນຮ່າງຂຶ້ນບົນພື້ນຖານທີ່ຮັບເອົາຄວາມເຫັນຂອງຜູ່ຊ່ຽວຊານອົງການກອງທຶນສາກົນແລະທະນາຄານພັດທະນາອາຊີ.ຮ່າງກົດໝາຍດັ່ງກ່າວຈະປະກາດໃຊ້ພາຍຫຼັງໄດ້ຮັບການອະນຸມັດຈາກລັດຖະສະພາ.
ປະກາດແຈ້ງຂ່າວທີ່ປະກາດຫຼັງກອງປະຊຸມຂຽນວ່າ,ກົດໝາຍດັ່ງກ່າວແມ່ນກົດໝາຍສຳຄັນສະບັບໜຶ່ງທີ່ໃຊ້ໃນການຕ້ານການຟອກເງິນແລະລະດົມທຶນກໍ່ການຮ້າຍຢູ່ກຳປູເຈຍ,ແມ່ນກົນໄກສຳຄັນທີ່ກຳປູເຈຍກັບປະເທດອາຊີປາຊີຟິກເພີ່ມທະວີການຮ່ວມມືສອງຝ່າຍຫຼືຫຼາຍຝ່າຍ,ຮ່ວມກັນໂຈມຕີການຟອກເງິນແລະລະດົມທຶນກໍ່ການຮ້າຍທີ່ທົ່ວໂລກເອົາໃຈໃສ່ນຳ.
|
|
|
