ທ່ານຫູຈິນທາວເດີນທາງໄປຮອດແຊງເປແຕສະບວກເພື່ອເຂົ້າຮ່ວມງານສົນທະນາລະຫວ່າງຜູ່ນຳຂອງກຸ່ມ8ປະເທດກັບປະເທດພວມພັດທະນາ
cri
ຕາມຂ່າວCRI,ໂດຍຕອບສະໜອງຄຳເຊີນຂອງທ່ານປູຕິນ ປະທານາທິບໍດີຣັດເຊຍ,ວັນທີ16ກໍລະກົດ,ທ່ານຫູຈິນທາວ ປະທານປະເທດຈີນໄດ້ເດີນທາງໄປຮອດແຊງເປແຕສະບວກຂອງຣັດເຊຍ,ເພື່ອເຂົ້າຮ່ວມງານສົນທະນາລະຫວ່າງຜູ່ນຳຂອງກຸ່ມ8ປະເທດກັບປະເທດພວມພັດທະນາທີ່ຈະຈັດຂຶ້ນໃນວັນທີ17ກໍລະກົດ.
ໃນງານສົນທະນາ,ທ່ານຫູຈິນທາວຈະບັນລະຍາຍຄວາມເຫັນພື້ນຖານຂອງຈີນຕໍ່ສະຖານະການສາກົນໃນສະເພາະໜ້ານີ້,ແນະນຳຫຼັກໝັ້ນແລະເຈດຈຳນົງຂອງຈີນຕໍ່ຫົວຂໍ້ສົນທະນາເຊັ່ນຄວາມປອດໄພດ້ານພະລັງງານ,ການປ້ອງກັນແລະຄວບຄຸມພະຍາດຕິດແປດ,ການສຶກສາ,ການພັດທະນາຂອງອາຟິຼກກາແລະການພັດທະນາເປັນຕົ້ນ.
ຕອນຄ່ຳວັນທີ16ກໍລະກົດ,ທ່ານຫູຈິນທາວຍັງຈະເຂົ້າຮ່ວມການພົບປະຮວມໝູ່ລະຫວ່າງຜູ່ນຳຂອງ6ປະເທດພວມພັດທະນາຄືຈີນ,ອິນເດຍ,ເບຼຊີນ,ອາຟຼິກກາໃຕ້,ແມັກຊິກແລະກົງໂກບຼາຊາວິນ,ບັນລະຍາຍເຈດຈຳນົງຂອງຈີນກ່ຽວກັບການເພີ່ມທະວີການຮ່ວມມືໃຕ້ໆແລະການຮ່ວມມືດ້ານການພັດທະນາລະຫວ່າງຊາດ,ແລະແນະນຳສະພາບການຮ່ວມມືລະຫວ່າງຈີນກັບອາຟິຼກກາ.ນອກນີ້,ທ່ານຫູຈິນທາວຍັງຈະເຂົ້າຮ່ວມການພົບປະຄັ້ງປະຖົມມະເລີກລະຫວ່າງຜູ່ນຳຈີນ,ຣັດເຊຍແລະອິນເດຍ.
|
|