|
|
 |
| (GMT+08:00)
2006-07-16 20:32:30
|
 |
|
ການຮ່ວມມືດ້ານພະລັງໄຟຟ້າລະຫວ່າງຈີນຫວຽດນາມມີກຳລັງບົ່ມຊ້ອນອັນມະຫາສານ
cri
ຕາມຂ່າວສານຊິນຮວາ,ຕາມຕົວເລກສະຖິຕິຂອງດ່ານພາສີແລະບໍລິສັດຕາໜ່າງໄຟຟ້ານານຟາງ,ແຕ່ເຂດກວາງຊີຈີນສົ່ງອອກໄຟຟ້າໃຫ້ຫວຽດນາມເປັນຄັ້ງທຳອິດໃນເດືອນພຶດສະພາປີ2005ເປັນຕົ້ນມາ,ນັບລວມແລ້ວ,ເຂດກວາງຊີໄດ້ສົ່ງໄຟຟ້າໄປໃຫ້ຫວຽດນາມ129ລ້ານກິໂລວັດໂມງ,ມີມູນຄ່າປະມານ5ລ້ານ6ແສນໂດລາສະຫະລັດ,ແຕ່ກິດຈະການສົ່ງໄຟຟ້າອອກຂາຍໃຫ້ຕ່າງປະເທດທີ່ໃຫຍ່ກວ່າໝູ່ຂອງຈີນຄືຕາໜ່າງໄຟຟ້າ110ກິໂລໂວນແຕ່ເວິນຊ່ານແຂວງຢຸນນານກັບຫາຮ່າກຽງຫວຽດນາມເລີ່ມສົ່ງໄຟຟ້າຢ່າງເປັນທາງການໃນເດືອນມິຖຸນາປີກາຍມານີ້,ນັບລວມແລ້ວໄດ້ສົ່ງໄຟຟ້າໄປໃຫ້ຫວຽດນາມລື່ນກາຍ100ລ້ານກິໂລວັດໂມງ.ກະວ່າ,ເມື່ອຮອດທ້າຍປີ2006ຈະລື່ນກາຍ200ລ້ານກິໂລວັດໂມງ,ສ້າງລາຍໄດ້ທີ່ເປັນເງິນຕາຕ່າງປະເທດໄດ້8ລ້ານ6ແສນໂດລາສະຫະລັດ.
ຜູ່ຊ່ຽວຊານບັນຫາອາຊຽນຈຳນວນໜຶ່ງເຫັນວ່າ,ການຮ່ວມມືດ້ານພະລັງໄຟຟ້າລະຫວ່າງເຂດກວາງຊີ,ແຂວງຢຸນນານກັບຫວຽດນາມມີຄວາມຕາບຈູນກັນຫຼາຍ,ເຂດກວາງຊີແລະແຂວງຢຸນນານມີຊັບພະຍາກອນໄຟຟ້າອັນອຸດົມສົມບູນ,ສ່ວນຫວຽດນາມຕ້ອງການພະລັງໄຟຟ້າຫຼາຍ.ນອກຈາກທາງອາກາດ,ທາງນ້ຳແລະທາງບົກແລ້ວ,ຊ່ອງທາງເສດຖະກິດເສັ້ນທີສີ່ລະຫວ່າງຈີນກັບຫວຽດນາມທີ່ຖືການຮ່ວມມືດ້ານພະລັງໄຟຟ້າເປັນເນື້ອໃນຕົ້ນຕໍນັ້ນພວມຂ້ຽວເລັ່ງຈໍ່ຕົວຂຶ້ນ.
|
|
|
