|
ຊາວໜຸ່ມເຍົາວະຊົນເຊື້ອສາຍຈີນ4000ກວ່າຄົນມາຊອກ"ຮາກ"ຢູ່ປັກກິ່ງ
cri
ຕາມໜັງສືພິມຈິ່ງຮວາສືປ້າວຂອງຈີນ,ວັນທີ16ກໍລະກົດ,ຊາວໜຸ່ມເຍົາວະຊົນເຊື້ອສາຍຈີນ4000ກວ່າຄົນໄດ້ຈາກແຫ່ງຕ່າງໆໃນໂລກມາຮອດປັກກິ່ງໂດຍແບ່ງເປັນງວດ,ດຳເນີນການທ່ອງທ່ຽວເພື່ອຊອກຫາແຫຼ່ງເຊື້ອສາຍ.
ຕາມການສະເໜີ,ຊາວໜຸ່ມເຍົາວະຊົນເຊື້ອສາຍຈີນທີ່ມາປັກກິ່ງເທື່ອນີ້ມາຈາກ40ກວ່າປະເທດ,ໃນໄລຍະຢູ່ປັກກິ່ງ,ພວກເຂົາເຈົ້າຈະໄປທ່ຽວແຫ່ງຕ່າງໆເຊັ່ນພະລາຊະວັງກູ້ກົ່ງ,ຫໍຟ້າທຽນຖານ,ສວນອຸທິຍານອີເຮີຢວນເປັນຕົ້ນ,ຍັງຈະຮຽນຟ້ອນຊົນເຜົ່າຈີນ,ກົ່ງຟູຈີນແລະຄວາມຮູ້ພື້ນຖານກ່ຽວກັບວັດທະນະທຳຈີນເປັນຕົ້ນ,ແລະຈະແລກປ່ຽນກັບຊາວໜຸ່ມເຍົາວະຊົນຈີນ.
ການດຶງດູດຊາວໜຸ່ມເຍົາວະຊົນເຊື້ອສາຍຈີນພົ້ນທະເລມາຊອກຫາແຫຼ່ງເຊື້ອສາຍ,ທັດສະນາຈອນແລະທ່ອງທ່ຽວຢູ່ຈີນດ້ວຍຮູບການຄ້າຍພັກແຮມລະດູຮ້ອນນັ້ນແມ່ນມາດຕະການສຳຄັນລາຍໜຶ່ງຂອງລັດຖະບານຈີນເພື່ອສະໜັບສະໜູນການສຶກສາພາສາຈີນຂອງພົ້ນທະເລ.
|
|
