|
|
 |
| (GMT+08:00)
2006-07-17 16:13:19
|
 |
|
ປັກກິ່ງສະແຫວງຫາເບົ້າແບບໃຫມ່ຂອງການປິ່ນປົວໂຣກເອດສ໊
cri
Author: sayvanny
ຕາມຂ່າວສານຊີນຮວາ:ໂຮງຫມໍໂຢ້ອານປັກກິ່ງ ເຊິ່ງເປັນໂຮງຫມໍທີ່ໂຮມສູນຮັບປິ່ນປົວຜູ່ເປັນໂຣກເອດສ໊ຢູ່ເຂດປັກກິ່ງໄດ້ຊອກເຫັນເບົ້າແບບໃຫມ່ຂອງການປິ່ນປົວໂຣກເອດສ໊,ຄື ໃຫ້ຜູ່ຊ່ຽວຊານເຕົ້າໂຮມກັນມາປິ່ນປົວຜູ່ເປັນພະຍາດຊ້ອນໂຣກເອດສ໊, ກວດຄືນເປັນປະຈຳ,ແລະເອົາໃຈໃສ່ນຳການເບິ່ງແຍງຄົນເຈັບທີ່ຈະເຖິງແກ່ກຳ.
ຜູ່ຮັບຜິດຊອບຊອງໂຮງຫມໍໂຢ້ອານປັກກິ່ງແນະນຳວ່າ, ຜູ່ເປັນໂຣກເອດສ໊ທຳມະດາມັກເປັນພະຍາດຊ້ອນຫລາຍຢ່າງ,ສ່ວນຜູ່ເປັນໂຣກເອດສ໊ ຈຳນວນຫນຶ່ງຍ້ອນຢ້ານຖືກດູຫມີ່ນ,ຈິ່ງປິດອຳອາການພະຍາດໃນເວລາໄປປິ່ນປົວຢູ່ໂຮງຫມໍສັງລວມ, ສະນັ້ນ, ໂຮງຫມໍດັ່ງກ່າວຈິ່ງໄດ້ເຊື້ອເຊີນຜູ່ຊ່ຽວ ຊານຂອງໂຮງຫມໍສັງລວມຂະຫນາດໃຫຍ່ຈຳນວນຫນຶ່ງຂອງປັກກິ່ງ, ໄປບົ່ງ ມະຕິແລະປິ່ນປົວຜູ່ເປັນໂຣກເອດສ໊ທີ່ເປັນພະຍາດຊ້ອນຢູ່ຫ້ອງຄົນເຈັບ.ໃນດ້ານປິ່ນປົວໂຣກເອດສ໊,ໂຮງຫມໍໂຢ້ອານໄດ້ເປັນເຈົ້າການຕິດຕາມຄົນເຈັບ,ແລະຊີ້ນຳພວກເຂົາເຈົ້າກິນຢາ,ຕິດຕາມ ກວດກາແລະປະເມີນຕໍ່ຄົນເຈັບແຕ່ລະຄົນໃນຕະຫລອດໄລຍະເປັນພະຍາດ;ນອກນີ້, ໂຮງຫມໍດັ່ງກ່າວຍັງໄດ້ປະຕິບັດການພະຍາບານຕໍ່ຄົນເຈັບທີ່ຈະເຖິງແກ່ກຳ,ເຮັດໃຫ້ຄົນເຈັບຮູ້ສຶກສະບາຍໃນດ້ານຮ່າງກາຍ, ຈິດໃຈແລະອາລົມ.
|
|
|
