|
ໃນລະດູຮ້ອນອາກາດຮ້ອນເອົ້າ, ອາດຈະຊີວິດການເປັນຢູ່ຂອງທ່ານເກີດມີຄວາມບໍ່ສະດວກສະບາຍຫຼາຍຢ່າງ. ໃນລາຍການມື້ນີ້, ພວກເຮົາຈະແນະນຳ10ວິທີດີດັ່ນເພື່ອຊ່ອຍທ່ານແກ້ຮ້ອນ, ຄິດວ່າຄົງຈະມີຜົນດີຕໍ່ຊີວິດປະຈຳວັນຂອງທ່ານ.
1, ນ້ຳສົ້ມແມ່ນເຄື່ອງປຸງລົດທີ່ດີທີ່ກວ່າໝູ່
ໃນລະດູຮ້ອນເຫື່ອອອກຫຼາຍ, ກິນອາຫານທີ່ປຸງດ້ວຍນ້ຳສົ້ມຫຼາຍແດ່, ຈະຊ່ອຍໃຫ້ທາດກົດໃນກະເພາະຂຸ້ນເຂົ້າ, ຊ່ອຍລະລາຍອາຫານແລະດູດເອົາທາດບຳລຸງ, ເຮັດໃຫ້ກິນເຂົ້າແຊບ. ນ້ຳສົ້ມຍັງລະງັບເຊື້ອໂຣກໄດ້ດີຫຼາຍ, ມີບົດບາດຕ້ານທານພະຍາດຕິດແປດໃນລຳໄສ້ເຊັ່ນໄຂ້ທໍລະພິດແລະທ້ອງບິດເປັນຕົ້ນ.
2, ຜັກຂົມແມ່ນຜັກທີ່ດີກວ່າໝູ່
ໃນຜັກຂົມມີທາດດັ່ງຊີວະຊາດ, ອາມີໂນອາສິດ, ທາດລົດຂົມ, ວິຕາມິນແລະວັດຖຸທາດແຮ່ທີ່ແກ້ຮ້ອນແກ້ໄຂ້, ເຮັດໃຫ້ໃຈຊື່ນແລະບຳລຸງກະເພາະ. ໝາກມະລະ, ຜັກຂົມ, ໜໍ່ກະຫລ່ຳ, ຜັກເຊເລີລີ, ດອກແຂ້ວສີງ, ໃນໝາກບົວເປັນຕົ້ນລ້ວນແຕ່ແມ່ນຜັກລົດຂົມທີ່ດີ. 3, ແກງໝາກເຫຼ່ນແມ່ນແກງທີ່ດີກວ່າໝູ່
ໃນລະດູຮ້ອນກິນແກງໝາກເຫຼັ່ນໃຫ້ຫຼາຍທັງມີທາດບຳລຸງ, ຕື່ມນ້ຳໃຫ້ຮ່າງກາຍ. ດີທີ່ສຸດແມ່ນປະໃຫ້ເຢັນແລ້ວຈິ່ງກິນ, ທາດສີແດງໃນໝາກເຫຼັ່ນມີບົດບາດຕ້ານຕ່ອມໝາກອັນຖະອັກເສບແລະຮັກສາໝາກຫົວໃຈ, ເໝາະສຳລັບຜູ້ຊາຍເປັນພິເສດ.
4, ຊີ້ນເປັດແມ່ນຊີ້ນປະເພດທີ່ດີທີ່ສຸດ
ຊີ້ນເປັດບໍ່ພຽງແຕ່ມີທາດໂປຼຕິນຕ່າງໆອຸດົມສົມບູນທີ່ຄົນເຮົາຕ້ອງການດ່ວນໃນລະດູຮ້ອນເທົ່ານັ້ນ, ຍັງສາມາດຕ້ານພະຍາດຫຼາຍຢ່າງທີ່ມັກເປັນໃນລະດູຮ້ອນເຊັ່ນ: ຄີງຮ້ອນ, ກິນເຂົ້າບໍ່ລົງ, ທ້ອງຜູກແລະບວມເປັນຕົ້ນ. ເອົາຊີ້ນເປັດ, ໝູແຮມແລະປີງທະເລຕົ້ມໃສ່ກັນ, ສາມາດບຳລຸອະໄວຍະວະພາຍໃນ; ຕົ້ມເຂົ້າປຽກເຂົ້າໜຽວໃສ່ຊີ້ນເປັດ, ມີບົດບາດບຳລຸງກະເພາະ, ບຳລຸງເລືອດ, ໂດຍສະເພາະບຳລຸງຮ່າງກາຍທີ່ອ່ອນໂຊພາຍຫຼັງເປັນພະຍາດໜັກ; ຊີ້ນເປັດຕົ້ມໃສ່ສາຫຼ່າຍທະເລ, ສາມາດເຮັດໃຫ້ສາຍເລືອດອ່ອນລົງ, ຫຼຸດຄວາມດັນຂອງເລືອດໃຫ້ຕ່ຳລົງ, ປ້ອງກັນແລະປົວສາຍເລືອດແດງແຂງ, ເລືອດດັນສູງແລະໂຣກຫົວໃຈເປັນຕົ້ນ; ຊີ້ນເປັດຕົ້ມໃສ່ໜໍ່ໄມ້, ປົວລິດສະດວງທະວານໜັກອອກເລືອດເປັນຕົ້ນ.
5, ຊາຮ້ອນແມ່ນເຄື່ອງດື່ມທີ່ດີທີ່ສຸດໃນຍາມຮ້ອນ
ໃນລະດູຮ້ອນບໍ່ມີເຄື່ອງດື່ມແມ່ນຢູ່ບໍ່ໄດ້, ເຄື່ອງດື່ມທີ່ດີກວ່າໝູ່ບໍ່ແມ່ນເຄື່ອງດື່ມເຢັນປະເພດຕ່າງໆ, ແລະກໍບໍ່ແມ່ນເບຍຫຼືກາເຟ, ແຕ່ຫາກແມ່ນຊາຮ້ອນທີ່ທຳມະດາທີ່ສຸດ. ໃນ ຊາມີທາດສານກາລີທີ່ອຸດົມສົມູບນ(ໃນນ້ຳຊາ100ກະລາມໃດຄິດສະເລ່ຍແລ້ວ, ຊາຂຽວມີສານກາລີ10,7ມີລີກະລາມ, ຊາແດງມີ24,1ມີລີກະລາມ), ທັງແກ້ຫິວນ້ຳທັງແກ້ຄວາມອິດເມື່ອຍໄດ້.
6, ວິຕາມິນEແມ່ນທາດບຳລຸງທີ່ດີທີ່ສຸດ
ວິຕາມິນສາມາດເຮັດໃຫ້ທ່ານຢູ່ສະບາຍຕະຫຼອດລະດູຮ້ອນ, ວິຕາມິນທີ່ດີທີ່ສຸດກໍແມ່ນວິຕາມິນE. ນັກວິທະຍາສາດກ່າວເນັ້ນວ່າ, ໃນລະດູຮ້ອນ, ຄົນເຮົາມັກພົບກັບຄວາມອັນຕະລາຍສາມຢ່າງຄື: ແສງແດດທີ່ແຜດເຜົາ, ອາກາດໂອໂຊນກັບຄວາມອິດເມື່ອຍ, ວິຕາມິນEຈະຫຼຸດຄວາມອັນຕະລາຍສາມຢ່າງນີ້ລົງຮອດລະດັບຕ່ຳສຸດ, ໃນອາຫານຕ່າງໆເຊັ່ນ: ເຂົ້າມານ, ເຂົ້າຈີ່ໃສ່ຮຳເຂົ້າເບຼ, ໝາກມັນຫໍ້ແລະອາຫານທີ່ເຮັດດ້ວຍນົມເປັນຕົ້ນມີວິຕາມິນEຫຼາຍ, ໃນລະດູຮ້ອນໃຫ້ກິນຫຼາຍແດ່.
7, ກິລາທີ່ດີທີ່ສຸດໃນຍາມຮ້ອນແມ່ນລອຍນ້ຳ
ກິລາທີ່ດີທີ່ສຸດໃນຍາມຮ້ອນແມ່ນລອຍນ້ຳ. ລອຍນ້ຳບໍ່ພຽງແຕ່ສາມາດຝຶກແອບມື, ຕີນ, ແອວແລະທ້ອງຂອງຄົນເຮົາເທົ່ານັ້ນ, ແລະຍັງມີປະໂຫຍດຕໍ່ອະໄວຍະວະພາຍໃນເຊັ່ນ: ໝາກຫົວໃຈ, ສະໝອງ, ປອດແລະຕັບເປັນຕົ້ນ, ໂດຍສະເພາະແມ່ນມີຜົນດີຕໍ່ສາຍເລືອດ, ຖືວ່າເປັນກາຍຍະກຳສາຍເລືອດ.
8, ສີເຄື່ອງນຸ່ງທີ່ເໝາະສົມທີ່ສຸດໃນຍາມຮ້ອນແມ່ນສີແດງ
ມີຫຼາຍຄົນເຫັນວ່າໃນລະດູຮ້ອນນຸ່ງເສື້ອສີຂາວແມ່ນດີທີ່ສຸດ, ທີ່ຈິງແລ້ວນຸ່ງເສື້ອສີແດງດີກວ່າ, ຄວາມເລິກລັບຂອງມັນແມ່ນຍ້ອນວ່າສີແດງມີຄື້ນແສງທີ່ເບິ່ງເຫັນຍາວກວ່າໝູ່ສາມາດດູດເອົາລັງສີອຸນຕຼາວິໂອເລຂອງແສງແດດໄດ້ຢ່າງຫຼວງຫຼາຍ, ປ້ອງກັນບໍ່ໃຫ້ຜິວໜັງຖືກທຳລາຍ, ປ້ອງກັນບໍ່ໃຫ້ຜິວໜັງເຖົ້າງ່າຍຈົນວ່າປ້ອງກັນບໍ່ໃຫ້ເປັນໂຣກມະເຮັງຜິວໜັງ, ສ່ວນເນື້ອຜ້າຂອງເສື້ອທີ່ນຸ່ງນັ້ນແມ່ນເລືອກເອົາທີເຊີດທີ່ຕ່ຳດ້ວຍຝ້າຍປົນໄໝທຽມດີກວ່າໝູ່.
9, ເຄື່ອງສ້າງຄວາມເຢັນໃນຍາມຮ້ອນທີ່ດີທີ່ສຸດແມ່ນວີ
ເມື່ອສັງເກດຈາກແງ່ຫັດກາຍແລ້ວເຫັນວ່າ, ເຄື່ອງສ້າງຄວາມເຢັນທີ່ດີທີ່ສຸດໃນຍາມຮ້ອນແມ່ນວີ, ວີວີກໍແມ່ນກິລາຢ່າງໜຶ່ງ, ສາມາດຫັດກາຍ(ຖ້າຕັ້ງໃຊ້ມືຊ້າຍວີວີ, ຍັງສາມາດກະຕຸກສະໝອງເບື້ອງຂວາບຸກເບີກຄວາມສາມາດທີ່ບົ່ມຊ້ອນຢູ່ຂອງສະໝອງເບື້ອງຂວາແລະປ້ອງກັນບໍ່ໃຫ້ເປັນລົມອຳມະພາດ). ພ້ອມກັນນັ້ນ, ລົມທີ່ວີເອົາ, ເຢັນພໍດີສະບາຍ.
10, ວິທີຮັກສາສຸຂະພາບທີ່ດີທີ່ສຸດໃນຍາມຮ້ອນແມ່ນນອນແລະລຸກຕາມໂມງ
ໃນລະດູຮ້ອນ, ໂມງນອນທີ່ເໝາະສົມທີ່ສຸດແມ່ນແຕ່22ໂມງຫາ23ໂມງ, ເວລາຕື່ນນອນທີ່ເໝາະສົມທີ່ສຸດແມ່ນ5ໂມງເຄິ່ງຮອດ6ໂມງເຄິ່ງ. ອາກາດຮ້ອນເອົ້າໃນລະດູຮ້ອນອາດຈະພາໃຫ້ນອນຍາກ, ແຕ່ຖ້າທ່ານລຶ້ງລຸກຕາມໂມງແລະນອນຕາມໂມງແລ້ວ, ໂມງຊີວະຊາດໃນຮ່າງກາຍຂອງທ່ານຈະບໍ່ມີການຜິດພາດ, ຈັງຫວະຕ່າງໆທາງສາະລີລະສາດຈະເປັນປົກກະຕິທັງໝົດ.
|
