|
|
 |
| (GMT+08:00)
2006-07-18 17:24:17
|
 |
|
ແນວເຂົ້ານາປະສົມພັນຂອງຈີນໄດ້ຮັບຄວາມຊົມເຊີຍຢູ່ຕະຫຼາດຫວຽດນາມ
cri
Author: min
ຕາມຂ່າວສານຊິນຮວາ: ແນວເຂົ້ານາປະສົມພັນທີ່ຫວຽດນາມຊື້ຢູ່ດ່ານກວາງຊີຈີນໃນຕົ້ນປີນີ້ມີ 1900 ກວ່າໂຕນ, ລວມຍອດມູນຄ່າເຖິງ 1 ລ້ານ 1 ແສນໂດລາສະຫະລັດ.
ຍ້ອນເງື່ອນໄຂດິນຟ້າອາກາດຂອງເຂດກວາງຊີຄ້າຍກັບຫວຽດນາມ, ພັນເຂົ້ານາຫຼາຍຢ່າງຂອງກວາງຊີຈຶ່ງເໝາະປູກຢູ່ຫວຽດນາມແລະເກັບກ່ຽວໄດ້ຫຼາຍ, ໂດຍສະເພາະແມ່ນແນວເຂົ້ານາປະສົມພັນທີ່ກວາງຊີຜະລິດ, ເມັດເຕັມ, ບໍ່ມີສັດຕູພືດແລະຫຍ້າຄາ, ໄດ້ຮັບຄວາມນິຍົມຊົມຊອບຈາກຊາວນາຫວຽດນາມ.
ນັກຂ່າວໄດ້ຊາບຈາກກົມກວດກາພະຍາດເຂດກວາງຊີວ່າ, ເພື່ອຮັບປະກັນຄຸນນະພາບຂອງແນວເຂົ້ານາປະສົມພັນທີ່ຂາຍໃຫ້ຫວຽດນາມ, ກົມກວດກາພະຍາດເຂດກວາງຊີໄດ້ຈົງເລິກຕິດຕາມຄຸ້ມຄອງຢູ່ແຫຼ່ງຜະລິດແນວເຂົ້າ, ສະຖານທີ່ເກັບຮັກສາແລະບໍລິສັດຂາອອກຂອງແນວເຂົ້ານາທີ່ຂາຍໃຫ້ຕ່າງປະເທດ.
ຕົວເລກທີ່ຝ່າຍຫວຽດນາມສະໜອງໃຫ້ສະແດງໃຫ້ເຫັນວ່າ, ແນວເຂົ້ານາປະສົມພັນປູກໃນລະດູໜາວທີ່ຫວຽດນາມຕ້ອງການມີ 80% ຕ້ອງອາໄສຊື້ຈາກຕ່າງປະເທດ, ສ່ວນຫຼາຍແມ່ນຊື້ກັບຈີນ.
|
|
|
