|
ກຸ່ມບໍລິສັດນ້ຳມັນເຊື້ອໄຟແລະອາຍແກັສທຳມະຊາດຈີນຊື້ບັດຫຸ້ນສ່ວນຂອງບໍລິສັດນ້ຳມັນເຊື້ອໄຟຣັດເຊຍ
cri
ຕາມຂ່າວສານຊິນຮວາ,ວັນທີ19ກໍລະກົດ,ກຸ່ມບໍລິສັດນ້ຳມັນເຊື້ອໄຟແລະອາຍແກັສທຳມະຊາດຈີນໄດ້ປະກາດວ່າ,ມື້ດຽວກັນ,ບໍລິສັດດັ່ງກ່າວໄດ້ລົງທຶນ500ລ້ານໂດລາສະຫະລັດ,ຊື້ບັດຫຸ້ນສ່ວນທີ່ບໍລິສັດນ້ຳມັນເຊື້ອໄຟຣັດເຊຍຈຳໜ່າຍຢູ່ຕະຫຼາດຢ່າງເປີດເຜີຍເປັນຄັ້ງທຳອິດນັ້ນ66ລ້ານກວ່າຫຸ້ນ,ແຕ່ລະຫຸ້ນ7,55ໂດລາສະຫະລັດ.
ບໍລິສັດນ້ຳມັນເຊື້ອໄຟຣັດເຊຍໄດ້ຈຳໜ່າຍບັດຫຸ້ນສ່ວນຢູ່ຕະຫຼາດຫຼັກຊັບລອນດອນແລະມົສກູໃນວັນທີ19ກໍລະກົດ.ໃນຖານເປັນບໍລິສັດນ້ຳມັນເຊື້ອໄຟທີ່ໃຫຍ່ກວ່າໝູ່ແຫ່ງໜຶ່ງຂອງຣັດເຊຍ,ປະຈຸບັນ, ໄດ້ຢືນຢັນແລ້ວວ່າບໍລິສັດດັ່ງກ່າວມີນ້ຳມັນເຊື້ອໄຟແລະອາຍແກັສທຳມະຊາດທີ່ແຮໄວ້ເທົ່າກັບ18ຕື້900ລ້ານບາເລັນ.
ໂຄສົກຖະແຫຼງຂ່າວຂອງກຸ່ມບໍລິສັດນ້ຳມັນເຊື້ອໄຟແລະອາຍແກັສທຳມະຊາດຈີນກ່າວວ່າ,ເທື່ອນີ້,ບໍລິສັດດັ່ງກ່າວຊື້ບັດຫຸ້ນສ່ວນຂອງບໍລິສັດນ້ຳມັນເຊື້ອໄຟຣັດເຊຍຢ່າງສຳເລັດຜົນນັ້ນຈະເປີດກວ້າງຂົງເຂດຮ່ວມມືລະຫວ່າງສອງບໍລິສັດ ຕື່ມອີກ.
|
|
