ຫວ່າງ​ມໍ່ໆ​ນີ້,ພວກ​ເຮົາ​ໄດ້​ຮັບ​ຈົດໝາຍ​ຫຼາຍ​ສະ​ບັບທີ່​ຜູ້​ຟັງ​ຝາກ​ໃຫ້ພວກ​ເຮົາ​ເປັນ​ເທື່ອ​ທຳ​ອິດ,ນີ້​ເຮັດ​ໃຫ້​ພວກ​ເຮົາຮູ້​ສຶກປິ​ຕິຊົມ​ຊື່ນທີ່ສຸດ,​ເພາະ​ທັງ​ນີ້ສະ​ແດງ​ໃຫ້​ເຫັນ​ວ່າ ຜູ້​ຟັງທີ່​ຕິດຕາມ​ລາຍການ​ພວກ​ເຮົາ​ນັມມື້​ນັບ​ຫຼາຍ​ຂຶ້ນ,​​ຜູ້​ຟັງ​ລາວ​ທີ່​ມັກ​ຟັງລາຍ​ການ​ຂອງພວ​ກ​ເຮົາ​​​ນັ້ນນັບ​ມື້​ນັບ​ຫຼາຍ​ຂຶ້ນ,​​ຜູ້​ຟັງ​ທີ່​ຍິນ​ດີ​ເຂົ້າ​ຮ່ວມລາຍ​ການ​ຂອງ​ພວ​ກ​ເຮົາ​ນັ້ນກໍ່ນັບ​ມື້​ນັບ​ຫຼາຍຂຶ້ນ.

 ນ້ອງ​ສະຫຼອງ​ໄຊ ທີ່​ບ້ານຫາດ​ດ້າຍ ​ເມືອງ​ປາກ​ລາຍ ​ແຂວງ​ໄຊ​ຍະ​ບູລີກໍ່​ແມ່ນ​ຜູ້​ຟັງ​​ໃໝ່​ຂອງ​ພວກ​ເຮົາ​ຜູ້​ໜຶ່ງ,​ໃນ​ຈົດໝາຍ​ສະບັບ​ທຳ​ອິດ,ນ້ອງ​ຂຽນ​ວ່າ,"ນ້ອງ​ເອງ​ແມ່ນ​ຜູ້​ໜຶ່ງ​ທີ່​ຕິດຕາມ​ລາຍ​ການ​ມາ​ໂດຍ​ຕະ​ຫຼອດ,​ແຕ່​ນ້ອງ​ເອງ​ບໍ່​ໄດ້​ຂຽນ​ຈົດໝາຍມາ​ຮ່ວມ​ລາຍການ​ຈັກ​ເທື່ອ,​ເທື່ອ​ນີ້​ເປັນ​ເທື່ອ​ທຳ​ອິດ,ຫວັງ​ວ່າ​CRIຄົງ​ຈະ​ບໍ່​ລັງ​ກຽດ​ທີ່​ຈະ​ຮັບ​ເອົາ​ນ້ອງ​ເຂົ້າ​ເປັນ​ສະມາຊິກ​ຂອງCRI,​ເມື່ອ​ນ້ອງ​ໄດ້​ເຂົ້າ​ເປັນ​ສະມາ​ຊິກCRI​ແລ້ວ,ນ້ອງ​ຈະ​ຂຽນ​ຈົດໝາຍ​ມາ​ຍັງ​ລາຍການCRI​ຕະຫຼອດ.ລາຍການ​CRIພາກ​ພາສາ​ລາວ​ເປັນ​ລາຍ​ການ​ທີ່​ໃຫ້​ຄວາມ​ຮູ້​ໃນ​ຫຼາຍ​ດ້ານ​,ບໍ່​ວ່າ​ຈະ​ເປັນ​ເຫດການ​ໃນ​ປະຈຸ​ບັນ,ອະນາຄົດ​ແລະ​ອະດີດ,CRIກໍ່​ສະໜອງ​ໃຫ້​ໄດ້."

ພວກ​ເຮົາ​ຍິນດີ​ຕ້ອນຮັບ​ນ້ອງ​ສະຫຼອງ​ໄຊຝາກ​ຈົດໝາຍ​ມາ​ຍັງ​ພວກ​ເຮົາ​ເລື້ອຍໆ,ພ້ອມ​ກັນ​ນັ້ນ​ກໍ່​ຫວັງ​ໃຫ້​ນ້ອງ​ຈົ່ງສະ​ເໜີ​ຄວາມ​ເຫັນ​ອັນ​ປະ​ເສີດ​ໃຫ້ພວກ​ເຮົາ​.​ເອົາລະ,ສຸດ​ທ້າຍ,ພວກ​ເຮົາ​ຂໍ​ຈັດ​ເພງ​ມ່ວນໆ​ເພງ​ໜຶ່ງ​ທີ່ຂັບ​ຮ້ອງ​ໂດຍ​ທ່ານ​​ໂຈ່​ວຊວນ​ຊົງສູ່​ນ້ອງ​ຟັງ,​ອວຍ​ພອນ​ໃຫ້​ນ້ອງຈົ່ງ​ມີສຸຂະ​ພາບ​​ເຂັ້ມ​ແຂງ​ແລະ​ມ່ວນ​ໃຈ​​ທຸກ​ມື້,​ເພ​ງນີ້​ຊື່ວ່າ"ຄວ້າຍ​​ເລີ້​ລ້ຽນ​ຊີ​ສີ",​ແປ​ວ່າ"​ເບີກບານ​ມ່ວນ​ຊື່ນ",ຫວັງ​ວ່າ​ນ້ອງ​ຄົງ​ຈະ​ມັກ.