|
ຫວ່າງມໍ່ໆນີ້,ພວກເຮົາໄດ້ຮັບຈົດໝາຍຂອງທ່ານແຮນຣີ ທີ່ນະຄອນຫຼວງວຽງຈັນ,ພໍອ່ານຈົດໝາຍສະບັບນີ້,ພວກເຮົາກໍ່ຮູ້ສຶກເຖິງຄວາມຕື້ນຕັນໃຈຂອງທ່ານແຮນຣີ,ທ່ານຂຽນວ່າ, "ພູມໃຈທີ່ໄດ້ຮັບປື້ມແບບຮຽນພາສາຈີນຈາກ CRI ໃນເດືອນ 5 ຜ່ານມານີ້,ຂໍສະແດງຄວາມພູມໃຈແລະຮູ້ບຸນຄຸນຢ່າງລົ້ນເຫຼືອມາຍັງລາຍvການສອນພາສາຈີນທີ່ໄດ້ເປີດໂອກາດໃຫ້ຂ້າພະເຈົ້າໄດ້ຮູ້ແລະສຶກສາພາສາຈີນ.ພາສາຈີນເປັນພາສາທີ່ຂ້າພະເຈົ້າມັກແລະສະແຫວງຫາທີ່ສຸດ,ແຕ່ຂາດເວລາຊອກຮູ້ຊອກຮຽນ.ເມື່ອທ່ານເປີດລາຍການນີ້ກໍ່ເປັນໂອກາດດີທີ່ຂ້າພະເຈົ້າປາຖະໜາ
ພວກເຮົາຮູ້ສຶກດີໃຈຫຼາຍທີ່ທ່ານແຮນຣີມັກຟັງລາຍການສອນພາສາຈີນຂອງພວກເຮົາ,ເຊື່ອວ່າລາຍການນີ້ຄົງຈະຊ່ອຍໃຫ້ທ່ານເຂົ້າໃຈປະເທດຈີນຫຼາຍກວ່າເກົ່າແລ້ວທ່ານຈະມັກປະເທດຈີນຫຼາຍກວ່າເກົ່າ.ພວກເຮົາຝາກແບບຮຽນພາສາຈີນໃຫ້ຜູ້ຟັງ,ກໍ່ເພື່ອຢາກຊ່ອຍຜູ້ຟັງທັງຫຼາຍຮຽນຮູ້ພາສາຈີນເທື່ອລະກ້າວ,ຫວັງວ່າແບບຮຽນຊຸດນີ້ຄົງຈະມີປະໂຫຍດຊ່ອຍທ່ານຮຽນພາສາຈີນ.
ໃນຈົດໝາຍ,ທ່ານແຮນຣີຍັງຂຽນວ່າ, "ຂ້າພະເຈົ້າຮູ້ສຶກຢ່າງຊື່ນໃຈນັບຈາກຄັ້ງທຳອິດທີ່ໄດ້ຮູ້ຈັກກັບ CRI ເລີ່ມແຕ່ມື້ວັນເສົາວັນທີ 3 ເດືອນກໍລະກົດປີ 1999.ນັບຈາກມື້ນັ້ນເປັນຕົ້ນມາ,CRIໄດ້ເປັນທີ່ໃຫ້ບັນຍາກາດຊີວິດຂອງຂ້າພະເຈົ້າແລະໄດ້ຢູ່ຄຽງຂ້າງໃຈເລື້ອຍມາ."
ພວກເຮົາຂອບໃຈທ່ານແຮນຣີຫຼາຍໆທີ່ໄດ້ຕິດຕາມຮັບຟັງລາຍການຂອງພວກເຮົາເຖິງ7ປີ,ພວກເຮົາຮູ້ສຶກປື້ມໃຈທີ່ໄດ້ມີຜູ້ຟັງທີ່ຊື່ສັດຄືທ່ານ,ອັນນີ້ສະແດງໃຫ້ເຫັນວ່າພວກເຮົາບໍ່ໄດ້ເຮັດເສຍແຮງລ້າໆ,ພ້ອມກັນນີ້,ກໍ່ຄິດວ່າທ່ານແຮນຣີແລະຜູ້ຟັງທີ່ຕິດຕາມລາຍການຂອງພວກເຮົາໂດຍຕະຫຼອດນັ້ນຄົງຈະເອົາໃຈໃສ່ນຳລາຍການຂອງພວກເຮົາຕະຫຼອດໄປ.
ພວກເຮົາຂໍຈັດເພງມ່ວນໆເພງໜຶ່ງສູ່ທ່ານຟັງ,ເພງນີ້ຊື່ວ່າ"ອົວຢົ້ງໂສອິວປ້າວຕາອ້າຍ",ແປວ່າ"ຂ້ອຍຈະເອົາທຸກສິ່ງຂອງຕົນຕອບບຸນແທນຄຸນຄວາມຮັກ".
|
