|
|
 |
| (GMT+08:00)
2006-07-20 20:24:20
|
 |
|
ເວທີປາໄສການຮ່ວມມືເສດຖະກິດອ້ອມອ່າວພາກເໜືອຂອງຈີນຈັດຂຶ້ນຢູ່ນະຄອນນານນີງ
cri
Author: cai
ຕາມຂ່າວສານຊີນຮວາ:ວັນທີ 20 ກໍລະກົດ,ເວທີປາໄສການຮ່ວມມືເສດຖະກິດອ້ອມອ່າວພາກເໜືອຂອງຈີນໄດ້ຈັດຂຶ້ນຢູ່ນະຄອນນານນີງ ເທດສະບານເຂດກວາງຊີເຜົ່າຈ້ວງປົກຄອງຕົນເອງ.ຫົວຂໍ້ຫຼັກຂອງເວທີປາໄສແມ່ນ "ຮ່ວມກັນສ້າງຂົ້ວເຕີບໂຕໃໝ່ຈີນ-ອາຊຽນ".
ເຈົ້າໜ້າທີ່ລັດຖະບານ ຜູ້ຊ່ຽວຊານແລະນັກປາດທີ່ມາຈາກບຼູໄນ ອິນໂດເນເຊຍ ມາເລເຊຍແລະປະເທດອື່ນໆແລະຜູ້ແທນຂອງວິສາຫະກິດຈີນແລະຕ່າງປະເທດ 160 ກວ່າຄົນໄດ້ເຂົ້າຮ່ວມເວທີປາໄສເທື່ອນີ້.ຕາມສະເໜີໃຫ້ຮູ້ວ່າ,ເວທີປາໄສການຮ່ວມມືເສດຖະກິດອ້ອມອ່າວພາກເໜືອຈະແບ່ງເປັນ 3 ຫົວຂໍ້ມາຫາລືກັນເຊັ່ນ"ອະນາຄົດແລະການພັດທະນາຂອງການຮ່ວມມືໃນເຂດອ້ອມອ່າວພາກເໜືອ""ການສ້າງແລະຊ່ອງທາງຂອງກົນໄກຮ່ວມມືເຂດອ້ອມອ່າວພາກເໜືອ"ແລະ"ການເລືອກເຟັ້ນທາງຍຸດທະສາດຂອງການພັດທະນາເຂດອ້ອມອ່າວພາກເໜືອ".
ເວົ້າຈາກດ້ານຂອບເຂດທະເລແລ້ວ,ເຂດອ້ອມອ່າວພາກເໜືອແມ່ນລວມທັງເຂດແຄມທະເລເຂດກວາງຊີ ແຫຼມເລໂຈ່ຂອງແຂວງກວາງຕຸ້ງແລະພາກຕາເວັນຕົກຂອງແຂວງໄຫຫຼຳຂອງຈີນພ້ອມດ້ວຍເຂດແຄມທະເລທາງພາກເໜືອຫວຽດນາມ.ປະເທດອາຊຽນທີ່ຢູ່ເຂດອ້ອມອ່າວພາກເໜືອລວມທັງ 6 ປະເທດຄືຫວຽດນາມ ບຼູໄນ ອິນໂດເນເຊຍ ສິງກະໂປ ມາເລເຊຍ ຟີລິບປິນ.
|
|
|
