|
|
 |
| (GMT+08:00)
2006-07-21 20:56:23
|
 |
|
ຊຸດສຳມະນາກ່ຽວກັບບັນຫາຄວາມປອດໄພພາກພື້ນຈີນ-ອາຊຽນ ອາຊີປາຊີຟິກຄັ້ງປະຖົມມະເລີກທີ່ຈັດຂຶ້ນຢູ່ປັກກິ່ງໄດ້ອັດລົງ
cri
Author: cai
ຕາມຂ່າວCRI:ວັນທີ 21 ກໍລະກົດ,"ຊຸດສຳມະນາກ່ຽວກັບບັນຫາຄວາມປອດໄພພາກພື້ນຈີນ-ອາຊຽນ ອາຊີປາຊີຟິກ"ຄັ້ງປະຖົມມະລືກທີ່ຈັດຂຶ້ນຢູ່ມະຫາວິທະຍາໄລປ້ອງກັນປະເທດຈີນທີ່ປັກກິ່ງໄດ້ອັດລົງ.ນີ້ແມ່ນພາກສ່ວນປ້ອງກັນປະເທດຂອງຈີນແລະ 10 ປະເທດອາຊຽນຫາລືຄວາມປອດໄພພາກພື້ນດ້ວຍຮູບການຊຸດສຳມະນາເປັນຄັ້ງທຳອິດ.
ໃນພິທີອັດງານ,ທ່ານເພຮວຍລ້ຽງ ອະທິການບໍດີຂອງມະຫາວິທະຍາໄລປ້ອງກັນປະເທດຈີນໄດ້ເບີກໃບຢັ້ງຢືນຮຽນຈົບຊຸດສຳມະນາແກ່ນາຍທະຫານຊັ້ນສູງແລະເຈົ້າໜ້າທີ່ປ້ອງກັນປະເທດຂອງຈີນແລະ 10 ປະເທດອາຊຽນ 27 ຄົນທີ່ເຂົ້າຮ່ວມຊຸດສຳມະນາເທື່ອນີ້.
ໃນ 4 ມື້ທີ່ຜ່ານມາ,ນາຍທະຫານຊັ້ນສູງແລະເຈົ້າໜ້າທີ່ປ້ອງກັນປະເທດເຫຼົ່ານີ້ໄດ້ຄົ້ນຄວ້າຫາລືກັນກ່ຽວກັບຫົວຂໍ້ຕ່າງໆເຊັ່ນຜົນສະທ້ອນຂອງຈີນແລະອາຊຽນທີ່ມີຕໍ່ຄວາມປອດໄພຂອງພາກພື້ນອາຊີປາຊີຟິກ ການຮ່ວມມືຮັກສາຄວາມປອດໄພເທິງທະເລພາກພື້ນອາຊີຕາເວັນອອກ ບົດບາດຂອງກອງທະຫານໃນການເຂົ້າຮ່ວມການຮ່ວມມືກອບກູ້ແບບມະນຸດສະທຳສາກົນ ກອງທະຫານຈະເຂົ້າຮ່ວມການຕ້ານການກໍ່ການຮ້າຍແລະການເຄື່ອນໄຫວຮັກສາສັນຕິພາບສາກົນແນວໃດເປັນຕົ້ນ.
ນາຍທະຫານຊັ້ນສູງແລະເຈົ້າໜ້າທີ່ປ້ອງກັນປະເທດຂອງ 10 ປະເທດອາຊຽນທີ່ເຂົ້າຮ່ວມຊຸດສຳມະນາເວົ້າວ່າ,ການເຄື່ອນໄຫວເທື່ອນີ້ໄດ້ເພີ່ມທະວີຄວາມເຂົ້າໃຈກັນລະຫວ່າງຈີນກັບອາຊຽນໃນຂົງເຂດຄວາມປອດໄພ,ຫວັງໃຫ້ຊຸດສຳມະນາຈົ່ງຈໍ່ຕົວເປັນກົນໄກແລະດຳເນີນຕໍ່ໄປ.
|
|
|
