ຕາມ​ຂ່າວສານ​ຊິນ​ຮວາ: ນັກວິທະຍາສາດ​ຈີນ​ແລະ​ຕ່າງປະ​ເທດຫຼາຍຮ້ອຍ​ຄົນ​ໄດ້​ປະກາດ "ຄຳ​ຖະ​ແຫຼງ​ການ​ຄຸນ​ມິ​ງ" ຢູ່​ນະຄອນ​ຄຸນ​ມິ​ງ​ແຂວງ​ຢຸນນານ​ຂອງ​ຈີນກ່ຽວ​ກັບການ​ອະ​ນຸ​ລັກ​ປ່າ​ແຖບ​ຮ້ອນ​ອາຊີ​ແລະ​ການຄົ້ນຄວ້າ​ຍຸດ​ທະ​ສາດ.

​ໃນ​ກອງ​ປະຊຸມ​ "ຊີວະ​ວິທະຍາ​ແຖບ​ຮ້ອນ​ແລະສະມາຄົມ​ອະນຸລັກປະຈຳ​ປີ 2006" ທີ່​ຈັດ​ຂຶ້ນ​ໃນ​ວັນ​ທີ 21 ກໍລະກົດ, ນັກວິທະຍາສາດ​ 320 ຄົນທີ່​ມາ​ຈາກ 43 ປະ​ເທດ​ແລະ​ເຂດ​ແຄວ້ນ​ໄດ້​ປະ​ກາດ "ຄຳ​ຖະ​ແຫຼງ​ການຄຸນ​ມິ​ງ", ​ເຕືອນ​ໃຫ້​ທຸກປະ​ເທດ​ໃນ​ແຖບ​ຮ້ອນ​ອາຊີ​ຈົ່ງ​ຂະ​ຫຍາຍ​ເນື້ອ​ທີ່​ແລະ​ຈຳ​ນວນ​ເຂດ​ສະຫງວນ​ໃນ​ປະ​ເທດ​ຕົນ, ຂໍ​ໃຫ້​ປະ​ເທດ​ແຖບ​ຮ້ອນ​ອາ​ຊີ​ຈົ່ງ​ສະ​ໜັບ​ສະ​ໜູນ​ເຂດ​ສະ​ຫງວນ​ຕ້ານ​ຢັນກັບ​ການ​ລ່າ​​ເນື້ອ ຕັດ​ໄມ້ ຍຶດຄອງ​ແລະ​ການ​ເຄື່ອນ​ໄຫວ​ອື່ນໆ​​ທີ່​ອາດ​ຈະ​ພາ​ໃຫ້​ຊີວະ​ນານາ​ພັນ​ຊຸດ​ໂຊ​ມ. "ຄຳ​ຖະ​ແຫຼງ​ການ" ຍັງ​ສະ​ເໜີ​ໃຫ້​ຜູ່​ວາງ​ນະ​ໂຍ​ບາຍ​ຂອງ​ປະ​ເທດ​ອາຊີ​ແຖບ​ຮ້ອນ​​ສົນທະນາ​ກັບ​ນັກວິທະຍາ​ສາດ, ​ເພື່ອ​​ເຂົ້າ​ໃຈ​ການ​ທ້າ​ທາຍ​ທີ່​ພາກ​ພື້ນ​ດັ່ງ​ກ່າວ​ແລະ​ຊັບພະຍາກອນ​ທຳ​ມະ​ຊາດ​ທີ່​ສຳ​ຄັນ​ຂອງ​ພາກ​ພື້ນ​ນີ້​ປະ​ເຊີນ.