ຕາມ​ຂ່າວສານ​ຊິນ​ຮວາ: ​ເຈົ້າໜ້າ​ທີ່​ກົມ​ປະສານ​ງານ​ການ​ຄຸ້ມ​ຄອງ​​ໄພທຳ​ມະ​ຊາດ​ອິນ​ໂດ​ເນ​ເຊຍ​​ແນະນຳວ່າ, ​ແຜ່ນດິນ​ໄຫວ​ແລະ​ຄື້ນ​ຊູ​ນາ​ມີທີ່​ເກີດ​ຂຶ້ນຢູ່​ເຂດ​ທະ​ເລ​ມະຫາ​ສະ​ໝຸດ​ອິນ​ເດຍ​ທິດ​ໃຕ້​ເກາະ​ຊາ​ວາ​ອິນ​ໂດ​ເນ​ເຊຍ​ໃນ​ວັນ​ທີ 17 ກໍລະ​ກົດ ​ໄດ້​ມີ​ຜູ່​ເສຍ​ຊີ​ວິດ​ເຖິງ 654 ຄົນ​ແລ້ວ​, ມີ 329 ຄົນ​ຫາຍ​ສາບ​ສູນ, 978 ຄົນ​ບາດ​ເຈັບ, ປະມານ 1 ​ແສນ ຄົນ​ບໍ່​ມີ​ທີ່​​ເພິ່ງ​ພາ​ອາ​ໄສ.

ຢູ່​ສາມ​ແຂວງ​ທີ່ປະສົບ​ໄພ​ຄື ​ແຂວງຊາ​ວາ​ກາງ ​ແຂວງຊາວາຕາ​ເວັນ​ຕົກ​ແລະ​ແຂວງ​ໂຢກ​ຢາ​ກາ​ຕາ, ​ສະພາບ​ຢູ່ແຂວງ​ຊາ​ວາຕາ​ເວັນ​ຕົກ​​ຮ້າຍ​ແຮງກວ່າ​ໝູ່. ດຽວ​ນີ້ ຜູ່​ກູ້​ໄພ​ຍັງ​ຊອກ​ຫາ​ສົບ​ຂອງ​ຜູ່​​ເສຍ​ຊີວິດ​ຢູ່​, ຄາດ​ວ່າ​ຜູ່​ປະສົບ​​ເຄາະ​ຮ້າຍ​ຍັງ​ຈະ​ເພີ່ມ​ຂຶ້ນ​ອີກ.