ຕາມ​ຂ່າວສານ​ຊິ​ນຮວາ: ​ໂຄງການ​ສ້າງສາ​ແຫຼ່ງຜະລິດນ້ຳນົມ​ແຂວງ​ເຮີຍຫຼົງ​ຈ່ຽງ ​ເຊິ່ງ​ແມ່ນ​ໂຄງ​ການ​ນຳ​ໃຊ້​ເງິນ​ກູ້​ຂອງທະນາຄານ​ໂລກ​ທີ່ໃຫຍ່ກວ່າ​ໝູ່​ຂອງ​ຂະ​ແໜງ​ການ​ລ້ຽງ​ສັດ​ຈີນ ປັດ​ຈຸvບັນ​ໄດ້​ເຂົ້າສູ່​ໄລຍະ​ປະຕິບັດ​ທີ່​ລະອຽດ​. ​ໂຄງການ​ດັ່ງກ່າວ​ລວມທັງ​ໝົດ​ໄດ້​ລົງ​ທຶນ​ 1 ຕື້ 480 ລ້ານ​ຢວນ, ​ໃນ​ນັ້ນ ທະນາຄານ​ໂລກ​ໃຫ້​ເງິນ​ກູ້​ 100 ລ້ານ​ໂດ​ລາ​ສະ​ຫະ​ລັດ.

ຕາມ​ໄດ້​ຊາບ​, ​ໂຄງການ​ແຫຼ່ງຜະລິດນ້ຳນົມ​ແຂວງ​ເຮີຍຫຼົງຈ່ຽງຈະ​ສ້າງ​ເປັນສະ​ໜາມ​ລ້ຽງ​ງົວ​ນົມ​ແບບ​ຢ່າງທີ່​ໄດ້​ມາດຖານ​ທີ່​ມີ​ເບົ້າ​ແບບ​ຕ່າງ​ກັນ​ງວດ​ໜຶ່ງ, ​ເກັບ​ຊື້​ງົວ​ນົມ​ທີ່​ມີ​ຄຸນ​ນະ​ພາ​ບດີ​ໂດຍ​ຜ່ານ​ການ​ປະມູນ​​ໃນ​ໂລກ; ປະຕິບັດ​ແຜນການ​ຍົກ​ຄຸນ​ນະ​ພາບ​ຝຸງ​ງົວ​, ຍົກ​ລະ​ດັບ​ຜະ​ລິດ​ນ້ຳນົມຂອງ​ແຂວງ​ເຮີຍຫຼົງຈ່ຽງ​ໃຫ້​ສູງ​ຂຶ້ນ; ພ້ອມ​ກັນນັ້ນ ປົວ​ແປງ​ສິ່ງ​ແວດ​ລ້ອມ​ຊີ​ວະ​ພາບ​ໃຫ້​ດີ​ຂຶ້ນ​ໂດຍ​ຜ່ານ​ການ​ເລືອກປູກ​ຫຍ້າ​ແນວ​ພັນດີ​ແລະ​ຊຳລະ​ລຳ​ຕົ້ນ​ແລະ​ຂີ້​ສັດ​ລ້ຽງ. ຕາມ​ໄດ້​ຊາບ, ຈະ​ມີ 10 ພັນ​ຄອບຄົວ​ທີ່​ລ້ຽງ​ງົວ​ໄດ້​ຮັບ​ຜົນ​ປະ​ໂຫຍດ​ຈາກ​ໂຄງ​ການ​ດັ່ງ​ກ່າວ.

ຂະ​ແໜງ​ການຜະລິດນ້ຳນົມ​ແຂວງ​ເຮີຍຫຼົງຈ່ຽງທີ່​ຕັ້ງຢູ່​ພາກ​ຕາ​ເວັນ​ອອກສຽງ​ເໜືອ​ຂອງ​ຈີນ​ມີ​ກຳ​ລັງ​ບົ່ມ​ຊ້ອນ​ອັນ​ມະຫາສານ. ຮອດ​ທ້າຍ​ປີ​ກາຍ​ນີ້, ​ແຂວງ​ດັ່ງກ່າວ​ມີ​ງົວ​ນົມ​ລ້ຽງ​ໃນ​ຄອກ​ເຖິງ 1 ລ້ານ 8 ​ແສນ​​ໂຕ, ຂະ​ແໜງ​ການ​ຜະລິດນ້ຳນົມ​ໄດ້​ກາຍ​ເປັນ​ອຸດສາຫະ​ກຳ​ເສົາ​ຄ້ຳ​ຂອງ​ບາງ​ນະ​ຄອນ​ແລະ​ເມືອງ ​ແລະ​ກາຍ​ເປັນ​ກຳລັງ​ຊັກ​ຈຸ​ງອັນສຳຄັນທີ່​ເຮັດ​ໃຫ້​ຊາວ​ກະ​ສິ​ກອນ​ມີ​ລາຍ​ໄດ້​ເພີ່ມ​ຂຶ້ນ.