|
|
 |
| (GMT+08:00)
2006-07-24 14:44:22
|
 |
|
ສະເໜີຂອງດົນຕີ
cri
Author: min
|
ສະບາຍດີ, ທ່ານຜູ້ຟັງທີ່ຮັກແພງ, ລາຍການຄາລົມຄົມຄາຍໄດ້ວຽນມາພົບກັບທ່ານອີກຕາມເຄີຍ, ຂ້າພະເຈົ້າແມ່ນດາລາວັນ!
ໃນລາຍການສອງພາກກ່ອນ, ພວກເຮົາເຄີຍລົມເລື່ອງກ່ຽວກັບສະເໜຂອງບານເຕະສູ່ທ່ານຟັງ, ບານເຕະແມ່ນພາສາຮ່ວມກັນຂອງທົ່ວໂລກ, ມັນສາມາດຂ້າມຜ່ານພົມແດນຂອງປະເທດ, ເຮັດໃຫ້ທົ່ວໂລກກໍ່ປ່ວງບ້ານຳ, ທີ່ຈິງ, ນອກຈາກບານເຕະແລ້ວ, ພວກເຮົາຍັງມີພາສາຮ່ວມກັນທີ່ດີງາມອື່ນໆຫຼາຍຢ່າງ, ຄື: ດົນຕີ.
ບໍ່ວ່າເຈົ້າເປັນຄົນຊາດໃດ, ໝົດທຸກຄົນສາມາດໄດ້ຮັບສັນຍາສຽງແນວດຽວກັນຈາກດົນຕີບົດໜຶ່ງ, ແລະເກີດມີອາລົມທີ່ຄ້າຍຄືກັນ.
ດົນຕີແມ່ນຂອງຂວັນອັນດີງາມຢ່າງໜຶ່ງທີ່ພະເຈົ້າຜູ້ສ້າງໂລກນຳມາໃຫ້ມວນມະນຸດ, ຂ້າພະເຈົ້າຄຶດວ່າ, ອາດຈະບໍ່ມີໃຜທີ່ຈະປະຕິເສດສະເໜຂອງດົນຕີທີ່ມີຢູ່ທຸກແຫ່ງຫົນ.
ມີຄົນເວົ້າວ່າ, ຄວາມອັດສະຈັນທີ່ສຸດຂອງດົນຕີກໍ່ແມ່ນ, ບໍ່ວ່າຍາມໃດ, ເຈົ້າຢາກໃຫ້ດົນຕີເປັນສິ່ງໃດ, ມັນກໍ່ເປັນສິ່ງນັ້ນໂລດ, ມັນສາມາດກາຍເປັນຕົວສະແດງທີ່ເຈົ້າມຸ່ງຫວັງໃນທຸກເວລາທີ່ເຈົ້າຕ້ອງການ.
ເມື່ອເຈົ້າຮູ້ສຶກຫງ່ວນເຫງົາ, ດົນຕີກໍຈະກາຍເປັນເພື່ອນຂອງເຈົ້າ, ກາຍເປັນອ່າວທະເລທີ່ໃຫ້ເຈົ້າບັງລົມ, ດົນຕີຄືມືທີ່ອົບອຸ່ນຄູ່ໜຶ່ງ, ຄ່ອຍໆລູບຄຳຫົວໃຈເຈົ້າ, ປອບໃຈເຈົ້າໃຫ້ອົບອຸ່ນ.
ເມື່ອເຈົ້າຮູ້ສຶກອິດເມື່ອຍທັງກາຍແລະໃຈໃນຊີວິດຕົວຈິງ, ດົນຕີຈະພາເຈົ້າຫຼົບໜີຈາກຊີວິດໃນປະຈຸບັນ, ໄປຫາໂລກບໍລິສຸດທີ່ດີງາມ, ໃນໂລກດົນຕີ, ບໍ່ມີສຽງເນືອງນັນ, ບໍ່ມີການພົວພັນອັນສັບສົນ, ເຈົ້າຍູທ່າງຢ່ອນອາລົມຂອງຕົນເອງໃຫ້ສະບາຍສະບາຍ.
ຍາມເຈົ້າອາລົມຕົກຕ່ຳ, ອຸອັ່ງມະໂນໃນ, ດົນຕີທີ່ມ່ວນຊື່ນຈະພາໃຫ້ເຈົ້າເບົາອົກເບົາໃຈ, ເລື່ອງທີ່ບໍ່ຊື່ນໃຈຈະມະຫັບມະຫາຍໄປບາດ, ຄວາມສະຫວ່າງສະໄຫວຈະເຂົ້າແທນທີ່.
ແນ່ນອນແລ້ວ, ດົນຕີຍັງອາດຈະຊວນໃຫ້ຄິດເຫັນເລື່ອງເກົ່າເລື່ອງຫຼັງ, ເລື່ອງພິດສະຫວາດທີ່ອາດຈະຝາກຝັງໃນໃຈຂອງທຸກຄົນ, ຄົນແລະເລື່ອງເຫຼົ່ານີ້ອາດຈະໄດ້ຜ່ານກາຍໄປແຕ່ດົນແລ້ວຕາມກະແສເວລາ, ເຫຼືອແຕ່ຄວາມໜົນໝອງເສົ້າໂສກຢູ່ໃນໃຈ, ຫຼາຍປີຜ່ານໄປ, ບັງເອີນ, ໄດ້ຍິນດົນຕີຕອນໜຶ່ງອາດຈະບັນດົນໃຈໃຫ້ຄຶດເຫັນຄວາມຮັກທີ່ເຊື່ອງຊ້ອນໄວ້ໃນສ່ວນເລິກຂອງຫົວໃຈ……
ຄົນເຮົາຈະມີການກະທົບທາງສະລີລະສາດໃນເວລາໄດ້ຍິນສຽງດົນຕີ,ໃນເວລາທີ່ມະນຸດເຮົາຍັງບໍ່ຮູ້ໃຊ້ພາສາມາທຳຄວາມເຂົ້າໃຈກັນເທື່ອນັ້ນ, ກໍ່ເລີ່ມຟ້ອນເຢາະຟ້ອນຢ່ອງຕາມສຽງກອງແລ້ວ, ໃນສະໄໝປະຈຸບັນ, ຄົນເຮົາຍັງເລີ່ມໃຊ້ດົນຕີມາປິ່ນປົວທາງຈິດຕະສາດ. ດົນຕີສາມາດສັບຊ້ອນອາລົມຈິດຂອງຄົນ, ສາມາດເຮັດໃຫ້ຄົນລະບາຍກຳລັງກົດໜີບ, ສາມາດຂັບໄລ່ຄວາມງ່ວມເຫງົາ, ສາມາດບັນດົນໃຈ, ໃຫ້ມີຄວາມຮູ້ສຶກອັນດີງາມ……ດົນຕີສາມາດສະໜອງຫຼາຍສິ່ງຫຼາຍຢ່າງໃຫ້ຄົນເຮົາ, ຊີວິດອັນຈືດຈາງທຳມະດາຈະເຕັມໄປດ້ວຍຄວາມມ່ວນຊື່ນເບີກບານຍ້ອນດົນຕີ.
ທ່ານຜູ້ຟັງທີ່ເຄົາລົບ, ລາຍການຄາລົມຄົມຄາຍພາກນີ້ຂໍຈົບລົງພຽງທໍ່ນີ້, ດາລາວັນແລະວິໄລວັນຜູ້ຮຽບຮຽງຂອງໃຈທ່ານທີ່ຮັງຟັງ, ພົບກັນໃໝ່ໃນອາທິດໜ້າ, ສະບາຍດີ!
|
|
|
