|
ຕາມຂ່າວສານຊິນຮວາ: ທ່ານບໍ່ຕ້ອງເປັນນັກບິນອະວະກາດກໍມີໂອກາດຍ່າງຢູ່ອະວະກາດໄດ້.ຄ່າຕອບແທນທີ່ທ່ານຕ້ອງເສຍນັ້ນແມ່ນ35ລ້ານໂດລາສະຫະລັດແລະຄວາມພິລະອາດຫານ.
ວັນທີ21ກໍລະກົດ,ບໍລິສັດພະຈົນໄພອະວະກາດອາເມລິກາປະກາດວ່າ,ນັກທ່ອງທ່ຽວທີ່ເສຍເງິນ20ລ້ານໂດລາໄປທ່ຽວສະຖານີອະວະກາດສາກົນນັ້ນ,ພຽງແຕ່ຕື່ມເງິນອີກ15ລ້ານໂດລາ,ກໍສາມາດຍ່າງຢູ່ອະວະກາດເທື່ອໜຶ່ງ.
ວັນທີ21ກໍລະກົດ,ບໍລິສັດດັ່ງກ່າວທີ່ຮັບຜິດຊອບດຳເນີນການທ່ຽວອະວະກາດນັ້ນໄດ້ປະກາດວ່າ:ບໍລິສັດດັ່ງກ່າວໄດ້ວາງລາຍການໃໝ່ ຄືໃຫ້ນັກທ່ອງທ່ຽວສຳຜັດການຍ່າງຢູ່ອະວະກາດໂດຍເອົາເອງ.
ບໍລິສັດພະຈົນໄພອະວະກາດກ່າວວ່າ,ລາຍການດັ່ງກ່າວໄດ້ຮັບການອະນຸມັດຈາກກົມການບິນອະວະກາດຣັດເຊຍ ເຊິ່ງເປັນຄູ່ຮ່ວມມືຂອງບໍລິສັດ,ນັກທ່ອງທ່ຽວຜູ່ທຳອິດໃນໂລກມີຫວັງຈະຍ່າງຢູ່ອະວະກາດຫຼັງຈາກນີ້ໜຶ່ງປີ.ເມື່ອຮອດເວລານັ້ນ,ນັກທ່ອງທ່ຽວພິເສດຜູ່ນີ້ຈະຂີ່ຍານອະວະກາດ"ຊາຢູສ"ຣັດເຊຍໄປທ່ຽວຢູ່ສະຖານີອະວະກາດສາກົນ8ມື້.ໃນໄລຍະນີ້,ນັກທ່ອງທ່ຽວຜູ່ນີ້ຈະນຸ່ງຊຸດນັກບິນອະວະກາດທີ່ຣັດເຊຍຜະລິດນັ້ນສຳຜັດການຍ່າງຢູ່ອະວະກາດເປັນເວລາ90ນາທີໂດຍມີນັກບິນອະວະກາດຜູ່ໜຶ່ງເປັນເພື່ອນ.
ນັກທ່ອງທ່ຽວທີ່ຢາກທ່ຽວສະຖານີອະວະກາດສາກົນຕ້ອງໄດ້ຮັບການຝຶກແອບເປັນນັກບິນອະວະກາດເປັນເວລາ6ເດືອນ.ເພື່ອກະກຽມໃຫ້ການຍ່າງຢູ່ອະວະກາດ, ນັກທ່ອງທ່ຽວຜູ່ນີ້ຕ້ອງຝຶກແອບອີກເດືອນໜຶ່ງ.
1 2
|
