|
|
 |
| (GMT+08:00)
2006-07-24 20:16:15
|
 |
|
ມາເລເຊຍຫວັງໃຫ້ອາຊຽນເພີ່ມທະວີການສ້າງສາອົງການຈັດຕັ້ງ
cri
Author: min
ຕາມຂ່າວສານຊິນຮວາ: ມື້ນີ້, ວັນທີ 24 ກໍລະກົດ, ຢູ່ກົວລະລຳເບີ ທ່ານໄຊເຢັດ ຮາມິດ ອານບາ ລັດຖະມົນຕີກະຊວງການຕ່າງປະເທດມາເລເຊຍ ປະເທດປະທານວຽນຊຸດປະຈຸບັນຂອງຄະນະປະຈຳອາຊຽນເວົ້າວ່າ, ອາຊຽນຕ້ອງເພີ່ມທະວີການສ້າງສາອົງການຈັດຕັ້ງ, ເພື່ອຮັບມືກັບສິ່ງທ້າທາຍ.
ມື້ດຽວກັນ, ໃນເວລາກອງປະຊຸມຄະນະປະຈຳອາຊຽນສ້ຽງສຸດລົງ, ທ່ານໄຊເຢັດກ່າວຄຳປາໄສວ່າ, ສອງປີມານີ້, ອາຊຽນໄດ້ມີການຄືບໜ້າອັນຕັ້ງໜ້າບາງຢ່າງໃນດ້ານສ້າງໂຄງຮ່າງຂອງອົງການຈັດຕັ້ງ. "ຖະແຫຼງການກົວລາລຳເປີ" ກ່ຽວກັບການວາງກົດບັດອາຊຽນໄດ້ເຊັນໃນເດືອນທັນວາປີກາຍນີ້ແລ້ວ, ວຽກງານຂອງໜ່ວຍບຸກຄົນຜູ້ມີຊື່ສຽງອາຊຽນທີ່ຮັບຜິດຊອບຮ່າງກົດບັດອາຊຽນພວມມີການຄືບໜ້າອັນດີງາມ. ມາເລເຊຍຫວັງໃຫ້ວຽກງານຮ່າງກົດບັດອາຊຽນເຮັດສຳເລັດກ່ອນກອງປະຊຸມສຸດຍອດອາຊຽນປີໜ້າ, ເພື່ອອາຊຽນຈະໄດ້ຈາກອົງການທີ່ຢູ່ໃຕ້ໂຄງຮ່າງອັນສະຫຼວມຫັນເປັນອົງການຈັດຕັ້ງທີ່ສ້າງຢູ່ບົນພື້ນຖານກົດບັດ.
|
|
|
