|
ຕາມຂ່າວສານຊິນຮວາ: ວັນທີ 24 ກໍລະກົດ, ທ່ານອອງເຄງໂຢງ ເລຂາທິການອາຊຽນທີ່ຈະເຂົ້າຮ່ວມກອງປະຊຸມລັດຖະມົນຕີອາຊຽນຄັ້ງທີ 39 ຢູ່ກົວລາລຳເປີກ່າວວ່າ, ຈີນແມ່ນປະເທດໃກ້ຄຽງທີ່ສຳຄັນຂອງອາຊຽນ, ແລະໃຊ້ທ່າທີອັນຕັ້ງໜ້າທີ່ສຸດຕໍ່ການພັດທະນາຂອງອາຊຽນ.
ທ່ານອອງເຄງໂຢງກ່າວວ່າ, ໃນຫຼາຍປີມານີ້, ການພົວພັນລະຫວ່າງອາຊຽນກັບຈີນໄດ້ຂະຫຍາຍຕົວຢ່າງວ່ອງໄວ, ໂດຍສະເພາະແມ່ນໃນຂົງເຂດເສດຖະກິດ, ອາຊຽນກັບຈີນໄດ້ເຊັນສັນຍາການຄ້າເສລີ, ການຄ້າລະຫວ່າງສອງຝ່າຍມີຫວັງຈະພັດທະນາຢ່າງວ່ອງໄວ.
ທ່ານກ່າວວ່າ, ປັດຈຸບັນ ອາຊຽນໄດ້ກາຍເປັນພາກພື້ນທີ່ປະຈັກຕາຊາວໂລກແລ້ວ, ການພັດທະນາຂອງອາຊຽນຈະແຍກອອກຈາກການສະໜັບສະໜູນຂອງປະເທດໃຫຍ່ບໍ່ໄດ້, ໂດຍສະເພາະແມ່ນຈີນປະເທດໃກ້ຄຽງ. ການສະໜັບສະໜູນຂອງຈີນມີຜົນດີຕໍ່ສັນຕິພາບແລະສະຖຽນລະພາບຂອງພາກພື້ນ. ຫວັງໃຫ້ຈີນເສີມຂະຫຍາຍບົດບາດອັນຕັ້ງໜ້າກວ່າເກົ່າໃນວຽກງານພາກພື້ນ.
ທ່ານຍັງກ່າວວ່າ, ຫວັງໃຫ້ຈີນລົງທຶນຢູ່ປະເທດອາຊຽນຫຼາຍກວ່າເກົ່າອີກ, ໂດຍສະເພາະແມ່ນໃນຂົງເຂດການຂຸດຄົ້ນນ້ຳມັນດິບ.
|
