|
ອາທິດແລ້ວນີ້,ພວກເຮົາໄດ້ຮັບຈົດໝາຍສະບັບທຳອິດທີ່ທ່ານຄຳເຜີຍ ທີ່ບ້ານດອນຄຳ ເມືອງຮຸນແຂວງອຸດົມໄຊສົ່ງມາ,ໃນຈົດໝາຍຂອງທ່ານຂຽນວ່າ, ຂ້າພະເຈົ້າເປັນຜູ້ຕິດຕາມຮັບຟັງວິທະຍຸ CRI ພາກພາສາລາວມາໂດຍຕະຫຼອດ,ນອກຈາກຂ້າພະເຈົ້າແລ້ວ,ຍັງມີໝູ່ຄູ່ຫຼາຍຄົນທີ່ເຄີຍຕິດຕາມລາຍການຂອງພວກທ່ານໃນບ້ານດຽວກັນ.ການຈັດລາຍການອອກອາກາດຂອງພວກທ່ານສຽງມ່ວນ ຈະແຈ້ງໜ້າຟັງແທ້ໆ,ຟັງແລ້ວຕິດອົກຕິດໃຈ.ເຖິງວ່າໃນຄອບຄົວຈະຫຍຸ້ງຍາກແນວໃດກໍຕາມ,ເມື່ອຮອດ 7:30 ເຖິງ 8:30,ຂ້າພະເຈົ້າຕ້ອງໃຫ້ໄດ້ຟັງລາຍການຂອງພວກທ່ານເປັນປະຈຳ.
ພວກເຮົາຂອບໃຈທ່ານຄຳເຜີຍຫຼາຍໆທີ່ຍ້ອງຍໍລາຍການ,ພວກເຮົາກໍ່ຮູ້ສຶກພາກພູມໃຈທີ່ມີຜູ້ຟັງຫຼາຍຄົນຕິດຕາມຮັບຟັງລາຍການ.ຖ້າວ່າທ່ານມີຄວາມເຫັນຫຼືຂໍ້ສະເໜີຫຍັງ,ກໍຂໍເຊີນທ່ານສົ່ງຈົດໝາຍມາຍັງພວກເຮົາໄດ້.
ໃນຈົດໝາຍ,ທ່ານຄຳເຜີຍຍັງຂໍໃຫ້ຫາວິທີຊ່ວຍເພິ່ນແດ່,ເພາະເພິ່ນໜ້າຊອງຈົດໝາຍເປັນພາສາອັງກິດບໍ່ເປັນແລະຢາກໃຫ້ພວກເຮົາຝາກຊອງຈົດໝາຍທີ່ສົ່ງກັບໂດຍບໍ່ເສຍຄ່າທີ່ມີໜ້າຊອງຮຽບຮ້ອຍໄປໃຫ້ເພິ່ນ ເພາະມັນສະດວກໃນການຝາກຈົດໝາຍມາເຂົ້າຮ່ວມການເສັງຄວາມຮູ້ຫຼືການເຄື່ອນໄຫວອື່ນໆນຳລາຍການພວກເຮົາ.
ພວກເຮົາຂໍບອກທ່ານຄຳເຜີຍວ່າເລື່ອງນີ້ບໍ່ຕ້ອງເປັນຫວ່ງການອຳນວຍຄວາມສະດວກໃຫ້ແກ່ຜູ້ຟັງແມ່ນເປັນໜ້າທີ່ຂອງພວກເຮົາຢູ່ແລ້ວແລະພວກເຮົາກໍ່ຈະຕອບສະໜອງຕາມຄຳຮ້ອງຂໍຂອງທ່ານຢ່າງແນ່ນອນແລະໂດຍໄວ.
ໃນຕອນມ້ວນທ້າຍຈົດໝາຍ,ທ່ານຄຳເຜີຍຂຽນວ່າເພິ່ມມັກຟັງດົນຕີພື້ນເມືອງຈີນຫຼາຍ,ຫວັງວ່າຄົງຈະໄດ້ຟັງເພງໜຶ່ງນຳພວກເຮົາ.ສະນັ້ນໃນໂອກາດນີ້,ພວກເຮົາຂໍຈັດດົນຕີພື້ນເມືອງຈີນມ່ວນໆເພງໜຶ່ງສູ່ທ່ານຟັງ,ແລະຂໍມອບໃຫ້ເພື່ອນຜູ້ຟັງທຸກທ່ານທີ່ມັກຟັງດົນຕີຂອງຈີນ.
|
