|
ທ່ານຜູ້ຟັງ, ໃນຊີວິດປະຈຳວັນ, ເປັນຫຍັງມີບາງຄົນຖືກຍູງກັດເລື້ອຍໆ, ມີບາງຄົນພັດບໍ່ຖືກຍູງກັດຫຼາຍປານໃດ? ທີ່ຈິງແລ້ວ, ນີ້ມີສ່ວນກ່ຽວຂ້ອງກັບກິ່ນໂຕຂອງຄົນເຮົາ. ນັກວິທະຍາສາດອັງກິດຄົ້ນຄວ້າເຫັນວ່າ, ທາດເຄມີທີ່ແຍກອອກຈາກເຫື່ອຂອງບາງຄົນນັ້ນໄດ້ລະບາຍກິ່ນພິເສດອອກມາ, ສາມາດຂັບໄລ່ຍູງໄດ້. ປະຈຸບັນ, ນັກວິທະຍາສາດໄດ້ແຍກເອົາທາດເຄມີເຫຼົ່ານີ້ແລະມີແຜນຈະເຮັດເປັນທູບອູດຍູງທຳມະຊາດ.
ແຕ່ລະຄົນລ້ວນແຕ່ມີທາດເຄມີທີ່ມີກິ່ນພິເສດຂອງຕົນລະບາຍອອກມາ. ກິ່ນເຫຼົ່ານີ້ຕ່າງກັນຫຼາຍ, ແລະມີບົດບາດຕ່າງກັນຕໍ່ຍູງ. ມີກິ່ນຂອງບາງຄົນຍູງມັກກັດເລື້ອຍໆ, ເພາະວ່າໃນນ້ຳເຫື່ອຂອງຄົນເຫຼົ່ານີ້ມີທາດເຄມີດູດຍູງຢ່າງຫຼວງຫຼາຍເຊັ່ນກົດນົມເປັນຕົ້ນ; ມີກິ່ນຂອງບາງຄົນພັດຍູງບໍ່ມັກກັດຫຼາຍປານໃດ, ໃນເຫື່ອຂອງພວກເຂົາເຈົ້າຈະລະບາຍທາດເຄມີຈຳນວນໜຶ່ງທີ່ບັງກິ່ນກົດນົມໄດ້, ເຣັດໃຫ້ຍູງບໍ່ກ້າຫຍັບເຂົ້າມໍ່.
ຫຼັງຈາກນັ້ນ, ນັກຄົ້ນຄວ້າໄດ້ເກັບໂຮມເອົານ້ຳເຫື່ອຂອງອາສາສະໝັກທີ່ຍູງບໍ່ມັກນັ້ນ, ແລະກັ່ນເອົາທາດເຄມີໄລຍູງຈາກນັ້ນ. ການທົດລອງໄດ້ຢືນຢັນວ່າ, ບົດບາດໄລຍູງຂອງທາດເຄມີເຫຼົ່ານີ້ແມ່ນມີຫຼາຍທີ່ສຸດ, ມັນບໍ່ພຽງແຕ່ຂັບໄລຍູງໃນຊີວິດປະຈຳວັນຂອງພວກເຮົາໄດ້ເທົ່ານັ້ນ, ຍັງສາມາດຂັບໄລຍູງເອຢິບທີ່ແຜ່ລະບາດພະຍາດໄຂ້ເຫຼືອງແລະໄຂ້ເລືອດອອກໄດ້ອີກດ້ວຍ.
|
