|
ລັດຖະມົນຕີການຕ່າງປະເທດອາຊຽນສະແດງຄວາມສົນໃຈຢ່າງໃຫຍ່ຕໍ່ສະຖານະການຕາເວັນອອກກາງ
cri
ຕາມຂ່າວສານຊິນຮວາ,ວັນທີ25ກໍລະກົດ,ຢູ່ກົວລາລຳເປີ,ລັດຖະມົນຕີການຕ່າງປະເທດຂອງ10ປະເທດອາຊຽນໄດ້ອອກຖະແຫຼງການຮ່ວມ,ສະແດງຄວາມສົນໃຈຢ່າງໃຫຍ່ຕໍ່ສະຖານະການຕາເວັນອອກກາງໃນປັດຈຸບັນທີ່ຊຸດຮ້າຍລົງແລະການປະທະກັນດ້ວຍກຳລັງຮຸນແຮງເລື່ອນຂັ້ນ.
ຖະແຫຼງການໄດ້ກ່າວປະນາມການກະທຳກໍ່ການຮ້າຍ,ໃຊ້ກຳລັງຮຸນແຮງແລະການທຳລາຍທັງໝົດ,ກ່າວປະນາມການຫຼອນໂຈມຕີສາມັນຊົນທີ່ບໍ່ມີໂທດຫຍັງຕາຍແລະບາດເຈັບ,ເຮັດໃຫ້ຊັບສິນປະສົບຄວາມເສຍຫາຍແລະທຳລາຍພື້ນຖານໂຄງລ່າງຝ່າຍພົນລະເຮືອນ,ກ່າວປະນາມການກະທຳລັກພາຕົວແລະຈັບຕົວເຈົ້າໜ້າທີ່ລັດຖະບານແລະເອກະຊົນ.
ຖະແຫຼງການຮຽກຮ້ອງໃຫ້ບັນດາຝ່າຍຈົ່ງພະຍາຍາມສຸດຂີດ,ຮັກສາຄວາມອົດກັ້ນ,ຫຼີກເວັ້ນໃຊ້ການກະທຳທີ່ພາໃຫ້ສະຖານະການຊຸດຮ້າຍລົງແລະວິກິດການມະນຸດສະທຳໜັກໜ່ວງຂຶ້ນຕື່ມ.
ຖະແຫຼງການຍັງທວງໃຫ້ບັນດາຝ່າຍທີ່ກ່ຽວຂ້ອງຢຸດຍິງໃນທັນທີ,ແລະຮຽກຮ້ອງໃຫ້ປະຊາຄົມໂລກແລະສະພາຄວາມໝັ້ນຄົງສະຫະປະຊາຊາດເສີມຂະຫຍາຍບົດບາດ,ຕິດຕາມໃຫ້ເຂດຕາເວັນອອກກາງບັນລຸສັນຕິພາບທີ່ທ່ຽງທຳ,ຖາວອນແລະຮອບດ້ານ.
|
|
