|
ຈີນຈະເປີດເຜີຍຂໍ້ມູນທັງໝົດທີ່ໂຄງການສຳຫຼວດຄົ້ນໂລກພະຈັນໄດ້ຮັບນັ້ນຕໍ່ພາຍນອກ
cri
ຕາມຂ່າວCRI,ຕາມຄາດຄະເນວ່າ,ປີໜ້າ,ຈີນຈະຍິງສົ່ງດາວທຽມສຳຫຼວດຄົ້ນໂລກພະຈັນຊື່"ສາງເອີເລກໜຶ່ງ"ດວງທຳອິດຂຶ້ນສູ່ອະວະກາດ,ປະຕິບັດໜ້າທີ່ບິນອ້ອມໂລກພະຈັນ.ບັດນັ້ນ,ຂໍ້ມູນຕົວເລກທັງໝົດທີ່ດາວທຽມໄດ້ຮັບນັ້ນຈະຖືກເປີດເຜີຍຕໍ່ວົງການວິທະຍາສາດຈີນຢ່າງເຕັມສ່ວນ.ຈີນຍັງຈະຮ່ວມມືກັບວົງການສຳຫຼວດຄົ້ນໂລກພະຈັນໃນສາກົນ,ແລກປ່ຽນຂໍ້ມູນທີ່ກ່ຽວຂ້ອງ.
ຂ່າວນີ້ແມ່ນນັກຂ່າວໄດ້ຊາບຈາກກອງປະຊຸມສຳຫຼວດຄົ້ນແລະນຳໃຊ້ໂລກພະຈັນສາກົນຄັ້ງທີ8ທີ່ຈັດຂຶ້ນໃນວັນທີ25ກໍລະກົດ.ຕາມການສະເໜີ,ໃນໄລຍະບິນອ້ອມໂລກພະຈັນ,ດາວທຽມ"ສາງເອີເລກໜຶ່ງ"ຈະເຮັດຫຼ້ອນໜ້າທີ່ວິທະຍາສາດຕ່າງໆເຊັ່ນແຕ້ມແຜນທີ່ໂລກພະຈັນສາມມິຕິ,ວິເຄາະບໍລິມາດສານເຄມີແລະປະເພດວັດຖຸຂອງຜິວໂລກພະຈັນ,ສຳຫຼວດຄົ້ນດິນໂລກພະຈັນເປັນຕົ້ນ.
ກອງປະຊຸມສຳຫຼວດຄົ້ນແລະນຳໃຊ້ໂລກພະຈັນສາກົນຄັ້ງນີ້ຈະດຳເນີນເປັນເວລາ3ມື້,ເຈົ້າໜ້າທີ່ລັດຖະບານແລະຜູ່ຊ່ຽວຊານທີ່ກ່ຽວຂ້ອງຂອງ17ປະເທດເຊັ່ນຈີນ,ອາເມລິກາ,ຣັດເຊຍແລະອີຕາລີເປັນຕົ້ນຈະ ແລກປ່ຽນຄວາມຄິດຄວາມເຫັນກ່ຽວກັບບັນຫາຫຼາຍດ້ານເຊັ່ນຄວາມຄືບໜ້າຂອງແຜນການສຳຫຼວດຄົ້ນໂລກພະຈັນ,ດາວທຽມບິນອ້ອມໂລກພະຈັນເປັນຕົ້ນ.
|
|
