|
|
 |
| (GMT+08:00)
2006-07-25 16:01:20
|
 |
|
ລັດຖະບານຈີນຕົກລົງສະເໜີທ່ານນາງເຊີນເຟິງຟູ້ເຈີ່ນໄປແຂ່ງຂັນຮັບເລືອກຕັ້ງຜູ້ອຳນວຍການໃຫຍ່ອົງການອະນາໄມໂລກ
cri
ຕາມຂ່າວCRI,ມື້ນີ້(ວັນທີ25ກໍລະກົດ),ທ່ານລິວຈ້ຽນຊ່າວ ໂຄສົກກະຊວງການຕ່າງປະເທດຈີນກ່າວວ່າ,ປັດຈຸບັນ,ລັດຖະບານຈີນຕົກລົງສະເໜີທ່ານນາງເຊີນເຟິງຟູ້ເຈິ່ນ ສັນຊາດຈີນທີ່ເປັນຜູ້ຊ່ວຍຜູ້ອຳນວຍການໃຫຍ່ອົງການອະນາໄມໂລກໄປແຂ່ງຂັນຮັບເລືອກຕັ້ງຜູ້ນຳນວຍການໃຫຍ່ອົງການອະນາໄມໂລກ.
ເດືອນພະຈິກປີນີ້,ອົງການອະນາໄມໂລກຈະເລືອກຕັ້ງຜູ້ອຳນວຍການໃຫຍ່ຜູ້ໃໝ່.ໃນເວລາຕອບຄຳຖາມທີ່ກ່ຽວຂ້ອງຂອງນັກຂ່າວ,ທ່ານລິວຈ້ຽນຊ່າວກ່າວວ່າ,ຈີນຕັ້ງໜ້າເຂົ້າຮ່ວມ ການຮ່ວມມືລະຫວ່າງຊາດໃນຂົງເຂດສາທາລະນະສຸກໂດຍຕະຫຼອດ,ເອົາໃຈໃສ່ນຳບົດບາດອັນສຳຄັນຂອງອົງການອະນາໄມໂລກ,ແລະຍິນດີປະກອບສ່ວນໃຫຍ່ກວ່າເກົ່າເຂົ້າໃນການພັດທະນາຂອງພາລະ ກິດສາທາລະນະສຸກຂອງໂລກ.ທ່ານເວົ້າວ່າ,ທ່ານນາງເຊີນເຟີງຟູ້ເຈີ່ນເຄີຍເຮັດວຽກຢູ່ອົງການປົກ ຄອງເຂດພິເສດຮົງກົງຈີນເປັນເວລາຍາວນານ,ແມ່ນຫົວໜ້າເພດຍິງຜູ້ທຳອິດຂອງສຳນັກງານສາທາລະນະສຸກຮົງກົງ.ເມື່ອປີ2003,ທ່ານນາງໄປເຮັດວຽກຢູ່ອົງການອະນາໄມໂລກ,ຕົ້ນຕໍຮັບ ຜິດຊອບວຽກງານປ້ອງການແລະຄວບຄຸມພະຍາດຕິດແປດ,ໄດ້ສ້າງຜົນງານອັນພົ້ນເດັ່ນ.ທ່ານນາງມີຄວາມຮັບຮູ້ອັນເລິກເຊິ່ງແລະຄວາມຄິດຄວາມເຫັນທີ່ຕ່າງໝູ່ກ່ຽວກັບສິ່ງທ້າທາຍແລະໂອກາດຂອງພາກລະກິດສາທາລະນະສຸກໂລກໃນປັດຈຸບັນ,ແລະໄດ້ພິຈາລະນາຢ່າງເປັນລະບົບແລະສຸກງອມກ່ຽວກັບການຂະຫຍາຍ ຕົວຂອງອົງການອະນາໄມໂລກໃນອະນາ ຄົດ.ຖ້າທ່ານນາງຮັບເລືອກຕັ້ງເປັນຜູ້ອຳນວຍການໃຫຍ່ອົງການອະນາໄມໂລກແລ້ວ,ຈະມີຜົນດີຕໍ່ອົງການດັ່ງກ່າວເສີມຂະຫຍາຍບົດ ບາດທີ່ຍິ່ງຕັ້ງໜ້າກວ່າເກົ່າໃນຂົງເຂດທາສາລະນະສຸກໂລກ.
|
|
|
