|
ຫວ່າງມໍ່ໆນີ້,ພວກເຮົາໃຫ້ຮັບຈົດໝາຍຂອງທ່ານຄຳຕາ ລໍວັນອິນ ຮອງຫົວໜ້າພະແນກຖະແຫຼງຂ່າວແລະວັດທະນະທຳແຂວງຫຼວງພະບາງ,ໃນຈົດໝາຍຂອງທ່ານຂຽນວ່າ, ຂ້າພະເຈົ້າກໍ່ເປັນຜູ້ໜຶ່ງທີ່ຕິດຕາມວິທະຍຸສາກົນແຫ່ງປະເທດຈີນພາກພາສາລາວ,ນັບແຕ່ການປະຕິວັດຊາດຂອງລາວມາເຖິງປະຈຸບັນ,ແມ່ນໄດ້ຟັງທຸກໆມື້,ຖ້າບໍ່ໄດ້ຟັງແມ່ນເປັນຄືວ່າກິນເຂົ້າບໍ່ອິ່ມ.
ເມື່ອໄດ້ອ່ານຄຳເວົ້າຂອງທ່ານຄຳຕາແລ້ວ ພວກເຮົາມີຄວາມຕື້ນຕັນໃຈຫຼາຍ,ຖ້າວ່າບໍ່ຟັງລາຍການຂອງພວກເຮົາ,ກໍ່ຄືກິນເຂົ້າບໍ່ອິ່ມ,ນີ້ໄດ້ໃຫ້ຄວາມຢືນຢັນຕໍ່ລາຍການຂອງພວກເຮົາຫຼາຍທີ່ສຸດ,ເບິ່ງຈາກຂໍ້ນີ້ ພວກເຮົາກໍ່ໄດ້ຮູ້ວ່າທ່ານຄຳຕາໄດ້ຮັກແພງລາຍການຂອງພວກເຮົາຢາງເລິກເຊິ່ງ,ໃນຈົດໝາຍຂອງທ່ານຍັງຂຽນວ່າ,ຂ້າພະເຈົ້າກໍ່ເຄີຍໄດ້ຮັບຕ້ອນແລະຮ່ວມເຮັດວຽກນຳບັນດາໂຄສົກວິທະຍຸສາກົນແຫ່ງປະເທດຈີນ ພາກພາສາລາວ ຫວຽດນາມ ໄທໂດຍແມ່ນທ່ານນາງສົມບູນເປັນຫົວໜ້າມາຢ້ຽມຢາມວິທະຍຸແຂວງຫຼວງພະບາງ 2 ຄັ້ງ.
ຖ້າເປັນແນວນີ້,ທ່ານຄຳຕາກໍນັບວ່າທັງແມ່ນຜູ້ຟັງຂາປະຈຳຂອງພວກເຮົາ,ທັງແມ່ນໝູ່ເພື່ອນເກົ່າຂອງພວກເຮົາ.ໃນຈົດໝາຍ,ທ່ານຍັງໄດ້ຕີລາຄາສູງຕໍ່ວຽກງານຂອງວິທະຍຸCRI,ແລະບອກວ່າທ່ານມັກຟັງລາຍການຂ່າວ,ລາຍການທ່ຽວເມືອງຈີນ,ລາຍການວັດທະນະທຳແລະລາຍການຊົນເຜົ່າສ່ວນໜ້ອຍຂອງວິທະຍຸCRI,ຕໍ່ໄປພາຍໜ້າ,ພວກເຮົາຍັງຈະຈັດລາຍການຂອງພວກເຮົາໃຫ້ດີກວ່າເກົ່າ,ແລະນັບມື້ນັບຖືກກັບຄວາມນິຍົມຊົມຊອບຂອງຜູ້ຟັງທັງຫຼາຍ
ສຸດທ້າຍ,ພວກເຮົາໄດ້ຈັດເພງມ່ວນໆເພງໜຶ່ງສູ່ທ່ານຄຳຕາຟັງ,ກໍຂໍມອບໃຫ້ເພື່ອນຜູ້ຟັງທີ່ພວມຟັງລາຍການຂອງພວກເຮົາຢູ່ດຽວນີ້,ເພງນີ້ຊື່ວ່າ"ນີຄວ້າຍເລີ້ໂສອີວົວຄວ້າຍເລີ້,ແປວ່າ"ເຈົ້າດີໃຈ ຂ້ອຍກໍ່ດີໃຈ",ອວຍພອນໃຫ້ທ່ານຈົ່ງເບີກບານມ່ວນຊື່ນໃນຄ່ຳຄືນມື້ນີ້.
|
