ຕາມ​ຂ່າວ CRI: ວັນ​ທີ 25 ກໍລະກົດ, ອົງການ​ອະນາ​ໄມ​ໂລກ ອົງການ​ຟາ​ວສະຫະ​ປະ​ຊາ​ຊາດ​ແລະ​ອົງ​ການ​ອະນາ​ໄມ​ສັດ​ໂລກປະກາດ​ວ່າ ຈະ​ຮ່ວມ​ກັນ​ສ້າງ​ລະບົບ​ເຕືອນ​ໄພ​ລ່ວງ​ໜ້າ​ແລະ​ເຂົ້າ​ແຊກ​ຢ່າງ​ວ່ອງ​ໄວ​ທີ່​ແນ​ໃສ່​ພະຍາດ​ສັດ​ທີ່​ສາມາດລະບາດ​ໃຫ້​ຄົນລະບົບ​ທຳ​ອິດ​ຂອງ​ໂລກ.

ມື້​ວານ​ນີ້ ອົງການ​ອະນາ​ໄມ​ໂລກ​ໄດ້​ອອກປະກາດ​ແຈ້ງ​ການ​ຢູ່​ທີ່​ເຊີ​ແນວ​ວ່າ, ການ​ສ້າງ​ລະ​ບົບ​ດັ່ງ​ກ່າວ​ແມ່ນ​ເພື່ອ​ຕາບ​ຈູ​ນຊ່ອງ​ຫວ່າງທີ່​ຄົງ​ຕົວ​ຢູ່​ຈົນ​ຮອ​ດປັດຈຸບັນ​ໃນ​ດ້ານ​ການ​ວັດ​ແທກ​ກວດ​ກາ​ລ່ວງ​ໜ້າ​ແລະ​ເຂົ້າ​ແຊກ​ຢ່າງ​ວ່ອງ​ໄວ​ຕໍ່​ພະຍາດ​ລະບາດສັດ, ກໍ​ຍ້ອນ​ຊ່ອງ​ຫວ່າງ​ເຫຼົ່າ​ນີ້ ​ໄດ້​ພາ​ໃຫ້​ໂຣກງົວ​ບ້າ ພະຍາດ​ຊາສ​ແລະ​ພະຍາດ​ໄຂ້ຫວັດ​ສັດ​ປີກ​ແຜ່​ລະ​ບາດ​ຂ້າມ​ຊາຍ​ແດນ.

ປະກາດ​ແຈ້ງ​ການ​ຍັງ​ກ່າວ​ວ່າ, ອົງການ​ອະນາ​ໄມ​ໂລກ ອົງການ​ຟາ​ວແລະ​ອົງການ​ອະນາ​ໄມ​ສັດ​ໂລກ​ຈະ​ໃຊ້​ຂ່າວ​ນຳກັນ​ໂດຍ​ຜ່ານ​ຈາກ​ອິນ​ເຕີ​ເນັດ, ພ້ອມ​ກັນ​ວິ​ເຄາະ​ຕົວ​ເລກ​ທີ່​ກ່ຽວ​ຂ້ອງ, ​ແລະ​ຕົກ​ລົງ​ວ່າ​ຈະ​​ເຕືອນ​ໄພ​ແລະ​​ໃຊ້​ມາດ​ຕະການເຂົ້າ​ແຊກ​ລ່ວງ​ໜ້າ​ຕໍ່​ພະ​ຍາດ​ລະ​ບາດ​ສັດ​ໃດ​ໜຶ່ງ​ທີ່​ເກີດ​ຂຶ້ນ​ນັ້ນຫຼືບໍ່, ພະຍາຍາມ​ຈົນ​ສຸດ​ຂີດ​ເພື່ອ​ຫຼຸດ​ການ​ຂົ່ມ​ຂູ່​​ສາ​ທາ​ລະ​ນະ​ສຸກ​ຂອງ​ພະ​ຍາດ​ລະບາດ.