|
ທ່ານອູເວີຍເຟິງ ປີນີ້ອາຍຸ 40ກວ່າແລ້ວດທ່ານດຳລົງຕຳແໜ່ງເປັນຮອງຜູ່ອຳນວຍການຂອງຫໍພິພິດທະພັນເຂດກວາງຊີເຜົ່າຈວ້າງປົກຄອງຕົນເອງ ພາກຕາເວັນຕົກສຽງໃຕ້ຂອງຈີນ,ທ່ານກໍແມ່ນສະມາຊິກຜູ່ໜຶ່ງໃນຊາວເຜົ່າຈວ້າງ15ລ້ານຄົນທີ່ດຳລົງຊີວິດຢູ່ແຫ່ງນີ້.ບ້ານເກີດຂອງທ່ານຢູ່ເມືອງຕູ່ອ່ານເຂດກວາງຊີ.ເມື່ອກ່າວເຖິງຊົນເຜົ່າຕົນ,ທ່ານອູເວີຍເຟິງກໍໄດ້ແນະນຳຜ້າຕ່ຳເຜົ່າຈວ້າງ,ເພງຊາວດອຍແລະກອງທອງເຊິ່ງເປັນສິ່ງທີ່ເຜົ່າຈວ້າງມີພິເສດນັ້ນຢ່າງດີອົກດີໃຈ.ທ່ານເວົ້າວ່າ,ກໍແມ່ນສິ່ງເຫຼົ່າແຫຼະນີ້ໄດ້ເຮັດໃຫ້ປະຫວັດສາດແລະມູນເຊື້ອຂອງເຜົ່າຈວ້າງໄດ້ສືບທອດກັນມາທຸກເຊັ່ນຄົນ.
 
ຜ້າຕ່ຳເຜົ່າຈວ້າງ
ຜ້າຕ່ຳເຜົ່າຈວ້າງທີ່ທ່ານອູເວີຍເຟີງກ່າວມາຂ້າງເທິງນັ້ນແມ່ນເຄື່ອງຫັດຖະກຳຫຼາຍສີທີ່ເອົາເສັ້ນໄໝແລະເສັ້ນຝ້າຍຕ່ຳສະຫຼັບກັນ.ໃນຊີວິດດັ້ງເດີມຂອງຊາວເຜົ່າຈວ້າງ,ໜ້າສົບຜ້າຫົ່ມຂອງຄອບຄົວທຳມະດາລ້ວນແຕ່ແມ່ນເຮັດດ້ວຍຜ້າຕ່ຳເຜົ່າຈວ້າງ.ໃນເວລາລູກສາວເອົາຜົວ,ຜ້າຕ່ຳເຜົ່າຈວ້າງກໍແມ່ນເຄື່ອງດອງທີ່ຂາດເຂີນບໍ່ໄດ້.ທ່ານອູເວີຍເຟິງກ່າວວ່າ,ຜ້າຕ່ຳເຜົ່າຈວ້າງໄດ້ສ່ອງແສງໃຫ້ເຫັນຜູ່ຊາຍເຮັດໄຮ່ເຮັດນາ,ຜູ່ຍິງຕ່ຳຫູຕ່ຳແຜ່ນເຊິ່ງເປັນຊີວິດອັນເປັນມູນເຊື້ອຂອງເຜົ່າຈວ້າງ.
ຕ່ຳຜ້າຕ່ຳເຜົ່າຈວ້າງ
ຢູ່ເຂດເຜົ່າຈວ້າງພວກເຮົາ,ຊາວເຜົ່າຈວ້າງ ຕ່ຳຜ້າຕ່ຳເຜົ່າຈວ້າງກໍຈະໄດ້ລາຍຮັບ,ນີ້ສາມາດລ້ຽງກຸ້ມໝົດຄອບຄົວ,ມັນມີຖານະສຳຄັນທີ່ສຸດໃນເສດຖະກິດຄອບຄົວ.ນອກນີ້,ຜ້າຕ່ຳເຜົ່າຈວ້າງກໍໄດ້ສ່ອງແສງໃຫ້ເຫັນຄວາມເຂົ້າໃຈແລະຄວາມປາຖະໜາທີ່ມີຕໍ່ຊີວິດຂອງຊາວເຜົ່າຈວ້າງ.
ຕັ້ງແຕ່2000ກວ່າປີກ່ອນ,ຊາວເຜົ່າຈວ້າງກໍຮຽນຮູ້ຕ່ຳແຜ່ນແພແລ້ວ.ຄຽງຄູ່ກັບເສດຖະກິດໄດ້ພັດທະນາ,ແຜ່ນແພຍຸກປັດຈຸບັນທີ່ມີຄຸນນະພາບດີແຕ່ລາຄາຖືກນັ້ນໄດ້ກະໜ່ຳຜ້າຕ່ຳເຜົ່າຈວ້າງ ທີ່ເປັນເຄື່ອງຫັດຖະກຳດັ້ງເດີມ.ເພື່ອບໍ່ໃຫ້ເຄື່ອງຫັດຖະກຳດັ້ງເດີມນີ້ສູນຫາຍໄປ,ອົງການປົກຄອງເຂດກວາງຊີເຜົ່າຈວ້າງປົກຄອງຕົນເອງໄດ້ຊອກຫາຫຼາຍວິທີ.ຕົວຢ່າງຄື,ພວກເຂົາເຈົ້າໄດ້ເບີກງົບປະມານລາຍຈຳເພາະ,ຄົ້ນຄວ້າວິທີຕ່ຳແບບໃໝ່,ນຳເຂົ້ານັກວິຊາການຄົ້ນຄວ້າພັດທະນາຜະລິດຕະພັນໃໝ່ເປັນຕົ້ນ.ໃນບໍ່ເທົ່າໃດປີມານີ້,ຜ້າຕ່ຳເຜົ່າຈວ້າງໄດ້ກາຍເປັນຂອງຂວ້ນອັນລ້ຳຄ່າທີ່ງານຮ້ອງເພງພື້ນເມືອງສາກົນແລະງານເອັກສໂປຈີນອາຊຽນໂດຍແມ່ນເຂດກວາງຊີເປັນເຈົ້າພາບຈັດຂຶ້ນແຕ່ລະປີນັ້ນມອບໃຫ້ແຂກຜູ່ມີກຽດຂອງຈີນແລະຕ່າງປະເທດ.ປັດຈຸບັນ,ຊ່າງຕ່ຳຜ້າຕ່ຳເຜົ່າຈວ້າງໄດ້ນັບມື້ນັບຫຼາຍຂຶ້ນ,ຜ້າຕ່ຳເຜົ່າຈວ້າງກໍໄດ້ຮັບການປົກປັກຮັກສາໄວ້.
1 2 3
|
