|
ຈີນຈະເພີ່ມທະວີການດັດສົມຄວບຄຸມທີ່ດິນ
cri
ຕາມຂ່າວCRI, ຫວ່າງມໍ່ໆນີ້,ຄະນະລັດຖະບານຈີນໄດ້ໄຂກອງປະຊຸມປະຈຳ,ຈັດວາງວຽກງານເພີ່ມທະວີການດັດສົມຄວບຄຸມທີ່ດິນຕື່ມອີກ.ກອງປະຊຸມຊີ້ອອກວ່າ,ປັດຈຸບັນ,ຍອດປະລິມານທີ່ດິນທີ່ຈີນໃຊ້ໃນການກໍ່ສ້າງນັ້ນໄດ້ເພີ່ມຂຶ້ນໄວເກີນໄປ,ທີ່ດິນທີ່ໃຊ້ໃນອຸດສາຫະກຳໄດ້ເພີ່ມຂຶ້ນຫຼາຍຢ່າງມີຕົ້ນທຶນຕ່ຳເກີນໄປ,ປະກົດການໃຊ້ທີ່ດິນຢ່າງຜິດກົດໝາຍກົດບັນຍັດ,ໃຊ້ດິນປູກຝັງທົ່ວທີບນັ້ນມີຢູ່ເລື້ອຍໆ.
ກອງປະຊຸມຊີ້ອອກວ່າ,ພາກສ່ວນທີ່ກ່ຽວຂ້ອງຕ້ອງເພີ່ມຕົ້ນທຶນເກນທີ່ດິນໃຫ້ສູງຂຶ້ນຕື່ມອີກ,ໃຫ້ເງິນທົດແທນເພື່ອຮັບປະກັນລະດັບຊີວິດການເປັນຢູ່ເດີມຂອງຊາວກະສິກອນທີ່ມີທີ່ດິນເກນໄປນັ້ນບໍ່ຫຼຸດລົງ,ຊີວິດໃນອະນາຄົດມີການຮັບປະກັນ,ຜູ່ຮັບຜິດຊອບຕົ້ນຕໍຂອງອົງການປົກຄອງທຸກຂັ້ນຂອງທ້ອງຖິ່ນຕ້ອງຮັບຜິດຊອບກວມລວມຕໍ່ການຄຸ້ມຄອງທີ່ດິນແລະການປົກປັກຮັກສາດິນປູກຝັງພາຍໃນເຂດບໍລິຫານຂອງຕົນ,ບູລະນະກົນໄກແລະກົດໝາຍໃຫ້ສົມບູນຂຶ້ນ,ເພີ່ມທະວີການຕິດຕາມກວດກາອົງການປົກຄອງທ້ອງຖິ່ນແລະການປະຕິບັດກົດໝາຍຂອງພະແນກຄຸ້ມຄອງຖິ່ນດິນ,ຕໍ່ຄະດີທີ່ດິນທີ່ຜິດກົດໝາຍຢ່າງໃຫຍ່,ຕ້ອງຊຳລະຢ່າງເປີດເຜີຍ.
|
|
