|
ທ່ານຖາງເຈຍສວນກ່າວວ່າຈີນຍີ່ປຸ່ນຄວນຊຸກຍູ້ການພົວພັນສອງປະເທດໃຫ້ກັບຄືນສູ່ໂຄຈອນທີ່ຂະຫຍາຍຕົວຢ່າງເປັນປົກກະຕິ
cri
ຕາມຂ່າວCRI,ວັນທີ28ກໍລະກົດ,ຢູ່ທີ່ປັກກິ່ງ,ທ່ານຖາງເຈຍສວນ ທີ່ປຶກສາແຫ່ງລັດຈີນກ່າວວ່າ,ໃຕ້ສະຖານະການໃນສະເພາະໜ້ານີ້,ສອງຝ່າຍຈີນຍີ່ປຸ່ນຄວນພ້ອມກັນທຳຄວາມພະຍາຍາມ,ກຳຈັດອຸປະສັກທາງການເມືອງທີ່ກະທົບກະເທືອນເຖິງການຂະຫຍາຍຕົວຂອງການພົວພັນລະຫວ່າງສອງປະເທດໂດຍໄວ,ຊຸກຍູ້ການພົວພັນລະຫວ່າງສອງປະເທດໃຫ້ກັບຄືນສູ່ໂຄຈອນທີ່ຂະຫຍາຍຕົວຢ່າງເປັນປົກກະຕິ.
ທ່ານຖາງເຈຍສວນແມ່ນໃຫ້ທັດສະນະດັ່ງກ່າວໃນເວລາພົບປະທ່ານອາມາລີອາຄິລາຜູ່ອຳນວຍການໃຫຍ່ສະຫະພັນມິດຕະພາບຂອງສະມາຊິກສະພາຍີ່ປຸ່ນຈີນຂອງຍີ່ປຸ່ນພ້ອມດ້ວຍຄະນະທີ່ມາຢ້ຽມຢາມຈີນ.ທ່ານຖາງເຈຍສວນກ່າວວ່າ,ລັດຖະບານແລະຜູ່ນຳຈີນໄດ້ປະຕິບັດຕໍ່ແລະກຳກັບການພົວພັນຈີນຍີ່ປຸ່ນຈາກຄວາມສູງຍຸດທະສາດແລະແງ່ຍາວໄກໂດຍຕະຫຼອດ,ຍຶດໝັ້ນນະໂຍບາຍທີ່ມີໄມຕີຈິດຕໍ່ຍີ່ປຸ່ນ,ສຸມກຳລັງເຂົ້າໃນການເຮັດໃຫ້ສອງປະເທດຢູ່ຮ່ວມກັນໂດຍສັນຕິ,ມີໄມຕີຈິດຕໍ່ກັນທຸກເຊັ່ນຄົນ, ຮ່ວມມືຕ່າງຝ່າຍຕ່າງມີຜົນປະໂຫຍດແລະພັດທະນາພ້ອມກັນຂອງສອງປະເທດ.ຫວັງໃຫ້ສະຫະພັນມິດຕະພາບຂອງສະມາຊິກສະພາຍີ່ປຸ່ນຈີນຈົ່ງສືບຕໍ່ເສີມຂະຫຍາຍບົດບາດອັນຕັ້ງໜ້າເພື່ອປົວແປງແລະຂະຫຍາຍການພົວພັນຈີນຍີ່ປຸ່ນ.
|
|
