|
|
 |
| (GMT+08:00)
2006-07-28 23:24:08
|
 |
|
ຜູ້ຖືກສົງໄສຕິດເຊື້ອພະຍາດໄຂ້ຫວັດນົກຢູ່ໄທເພີ່ມຂຶ້ນຮອດ44ຄົນ
cri
ຕາມຂ່າວສານຊິນຮວາ: ຫວ່າງມໍ່ໆນີ້, ເຂດພາກເໜືອແລະພາກກາງຂອງໄທໄດ້ມີຜູ່ຖືກສົງໄສຕິດແປດໄຂ້ຫວັດນົກຢ່າງຕໍ່ເນື່ອງກັນ. ນັບມາຮອດວັນທີ 28ກໍລະກົດ,ຈຳນວນຄົນທີ່ຖືກສົງໄສເປັນໄຂ້ຫວັດນົກຢູ່ໄທໄດ້ເພີ່ມຂຶ້ນຮອດ 44 ຄົນແລ້ວ.
ຕາມຕົວເລກທີ່ກະຊວງສາທາລະນະສຸກໄທປະກາດໃນມື້ດຽວກັນ, ໃນ 3 ມື້ມານີ້,ຢ່າງໜ້ອຍມີຄົນໄທ 10 ກວ່າຄົນໄດ້ເຂົ້ານອນໂຮງໝໍຮັບການປິ່ນປົວຍ້ອນມີອາການຄ້າຍຄືໄຂ້ຫວັດນົກ.ຜູ້ຊ່ຽວຊານເຫັນວ່າ, ຜູ້ເປັນພະຍາດເຫຼົ່ານີ້ອາດຈະແມ່ນໄດ້ຕິດເຊື້ອໄຂ້ຫວັດນົກປະເພດH5N1.ຕາມໄດ້ຊາບ, ການວິເຄາະເລືອດຂອງຄົນເຈັບຈະຮູ້ຜົນພາຍໃນ3ມື້.
ຫວ່າງມໍ່ໆນີ້, ໃນບ້ານຈຳນວນໜຶ່ງຂອງຈັງຫວັດພິຈິດໄດ້ເກີດເຫດການສັດປີກຕາຍເປັນງວດໆຢ່າງຕໍ່ເນື່ອງ, ພະແນກສາທາລະນະສຸກຂອງໄທໄດ້ປິດລ້ອມບ້ານທີ່ເກີດພະຍາດທັງໝົດ,ແລະໃຊ້ມາດຕະການທີ່ກ່ຽວຂ້ອງ.
ວັນທີ 24 ກໍລະກົດ, ຢູ່ຈັງຫວັດພິຈິດຂອງໄທ, ມີເຍົາວະຊົນຜູ້ໜຶ່ງໄດ້ຕາຍຍ້ອນຕິດເຊື້ອ ໄຂ້ຫວັດນົກປະເພດຮ້າຍແຮງແບບ H5N1ແລະໄຂ້ແດ໌ງກ໌ພ້ອມກັນ.
|
|
|
