|
ດຽວນີ້, ປັກກິ່ງພວມຢູ່ໃນລະດູຮ້ອນ,ປີນີ້ຝົນຕົກຫຼາຍ,ສ່ວນເມືອງລາວກໍຢູ່ໃນລະດູຝົນຄືກັນ,ອາກາດຄ່ອຍໆເຢັນລົງ,ຜູ້ຟັງຫຼາຍທ່ານກໍ່ພາກັນຂຽນຈົດໝາຍມາຫາພວກເຮົາ.ນັບແຕ່ ວິທະຍຸCRIໄດ້ເລິ່ມຈັດການເສັງຄວາມຮູ້ທີ່ມີລາງວັນເລື່ອງ"ຂ້ອຍກັບCRI"ເມື່ອເດືອນພຶດສະພາປີນີ້ເປັນຕົ້ນມາ,ພວກເຮົາໄດ້ຮັບຈົດໝາຍເພື່ອຕອບຄຳຖາມຫຼາຍສະບັບ,ໃນນັ້ນມີຜູ້ຟັງຈຳນວນບໍ່ໜ້ອຍໄດ້ຕອບຄຳຖາມຖືກຕ້ອງທັງໝົດ,ນີ້ສະແດງໃຫ້ເຫັນວ່າຜູ້ຟັງຫຼາຍໆທ່ານໄດ້ຕັ້ງໃຈຕິດຕາມຮັບຟັງລາຍການ,ພວກເຮົາຮູ້ສຶກປິຕິຊົມຊື່ນເປັນຢ່າງຍິ່ງ,ພ້ອມກັນນັ້ນ,ກໍ່ຂໍຂອບໃຈນຳຜູ້ຟັງທີ່ຕິດຕາມລາຍການ.ໃນລາຍການ"ເພື່ອນມິດຜູ້ຟັງ"ພາກນີ້,ພວກເຮົາໄດ້ສຳພາດຜູ້ຟັງ3ທ່ານທາງໂທລະສັບທີ່ເຂົ້າຮ່ວມການເສັງຄວາມຮູ້ດັ່ງກ່າວເປັນພິເສດ,ໂດຍຂໍໃຫ້ເພິ່ນເລົ່າຄວາມຮູ້ສຶກຂອງຕົນໃນການຮັບຟັງລາຍການພາສາລາວຂອງວິທະຍຸCRIແລະເຂົ້າຮ່ວມເສັງຄວາມຮູ້ຂອງວິທະຍຸພວກເຮົາ.
ທ່ານຄຳຕາ.ລໍວັນອີນ ຮອງຫົວໜ້າພະແນກຖະແຫຼງຂ່າວແລະວັດທະນະທຳແຂວງຫຼວງພະບາງແມ່ນໝູ່ເພື່ອນທີ່ດີຂອງພວກເຮົາ,ທັງແມ່ນຜູ້ຟັງເກົ່າຂອງພວກເຮົາ.ນັບແຕ່ສະໄໝຕໍ່ສູ້ກູ້ຊາດຂອງລາວໃນທ້າຍຊຸມປີ60,ທ່ານຄຳຕາກໍ່ໄດ້ເລິ່ມຮັບຟັງລາຍການພາສາລາວ,ພາສາໄທແລະພາສາຫວຽດນາມຂອງວິທະຍຸພວກເຮົາ,ທ່ານບອກວ່າ,ໂດຍຜ່ານຈາກລາຍການຂອງພວກເຮົາ,ທ່ານສາມາດຮູ້ຫຼັກໝັ້ນແລະທັດສະນະຂອງພັກແລະລັດຖະບານຈີນໃນການເຂົ້າຮ່ວມວຽກງານສາກົນຢ່າງທັນການ,ມີຜົນປະໂຫຍດຫຼາຍຕໍ່ວຽກງານຂອງທ່ານ,ຖ້າວ່າມື້ໃດບໍ່ໄດ້ຟັງກິນເຂົ້າບໍ່ແຊບ.ເມື່ອເວົ້າເຖິງການເຂົ້າຮ່ວມການເສັງຄວາມຮູ້ເທື່ອນີ້,ທ່ານເວົ້າວ່າເຖິງວ່າທ່ານຮັບຟັງລາຍການຂອງພວກເຮົາເລື້ອຍໆ,ແຕ່ການເຂົ້າຮ່ວມການເສັງຄວາມຮູ້ຂອງພວກເຮົາພັດແມ່ນເທື່ອທຳອິດ,ທ່ານເວົ້າວ່າ,
(ສຽງ1)
ທ່ານສົມຊາຍ.ແສງດາຣາເຮັດວຽກຢູ່ວິທະຍຸແຫ່ງຊາດລາວ,ທ່ານກໍ່ໄດ້ຕິດຕາມຮັບຟັງລາຍການຂອງວິທະຍຸພວກເຮົາເປັນເວລາ 5 6 ປີແລ້ວ,ທ່ານເວົ້າວ່າ,ທ່ານໄດ້ຄວາມຮູ້ຫຼາຍຢ່າງຈາກລາຍການຂອງCRI, ຂ່າວຂອງພວກເຮົາພາວະວິໄສ ທັນເວລາແລະແມ່ນຢຳ,ທ່ານມັກຟັງຫຼາຍ,ທ່ານເວົ້າວ່າ:
(ສຽງ2)
ທ່ານພອນແກ້ວ.ແກ້ວອຸດົມທີ່ຢູ່ເມືອງຮຸນແຂວງອຸດົມໄຊກໍ່ແມ່ນມິດລາຍການຜູ້ໜຶ່ງຂອງພວກເຮົາ,ທ່ານບໍ່ພຽງແຕ່ຕັ້ງໜ້າເຂົ້າຮ່ວມການເສັ່ງຄວາມຮູ້ຕ່າງໆທີ່ວິທະຍຸພວກເຮົາຈັດຂຶ້ນເທົ່ານັ້ນ,ໃນການເສັງຄວາມຮູ້ເລື່ອງ"ຂ້ອຍກັບCRI"ເທື່ອນີ້,ທ່ານຍັງໄດ້ລະດົມໃຫ້ໝົດຄອບຄົວເຂົ້າຮ່ວມນຳ,ຫຼັງຈາກນັ້ນ,ຄອບຄົວຂອງທ່ານກໍ່ລ້ວນແຕ່ໄດ້ກາຍເປັນມິດລາຍການຂອງວິທະຍຸພວກເຮົາ,ທ່ານເວົ້າວ່າ,ເມື່ອໄດ້ຮັບຟັງລາຍການພາກພາສາລາວຂອງວິທະຍຸພວກເຮົາແລ້ວ,ທ່ານກໍ່ຄືຄອບຄົວຂອງທ່ານໄດ້ຮັບຜົນປະໂຫຍດຫຼາຍຢ່າງ,ທ່ານຍັງໄດ້ເຊີນຊວນປະຊາຊົນລາວທົ່ວປະເທດມາຕິດຕາມຮັບຟັງລາຍການພາກພາສາລາວຂອງວິທະຍຸ CRI,ທ່ານເວົ້າວ່າ:
(ສຽງ3)
ທ່ານຜູ້ຟັງທີ່ຮັກແພງ,ໃນຕອນທ້າຍລາຍການພາກນີ້,ພວກເຮົາຂໍຂອບໃຈນຳມິດລາຍການທັງສາມທ່ານອີກເທື່ອໜຶ່ງ,ພ້ອມດ້ວຍເພື່ອນມິດຜູ້ຟັງທຸກທ່ານທີ່ພວມຟັງລາຍການຂອງພວກເຮົາ.ຢູ່ໃນຂະນະນີ້,ການຟັງຂອງທ່ານຄືກຳລັງໃຈຂອງພວກເຮົາແລະຈະພະຍາຍາມປັບປຸງລາຍການໃຫ້ນັມມື້ນັບດີຂຶ້ນເພື່ອໃຫ້ຖືກໃຈທ່ານ.ນອກນີ້,ພວກເຮົາຂໍແຈ້ງໃຫ້ທ່ານຊາບວ່າເລີ່ມແຕ່ເດືອນສິງຫາເປັນຕົ້ນໄປ,ພວກເຮົາຈະອອກອາກາດລາຍການເສັງຄວາມຮູ້ຄືນໃໝ່,ຖ້າເທື່ອທຳອິດທ່ານໄດ້ພາດໄປ,ກໍຍັງມີໂອກາດຮ່ວມມ່ວມຊື່ນໄດ້ອີກ.
ສຸດທ້າຍນີ້ຂໍຈັດເພງມ່ວນໆເພງໜຶ່ງຊື່ວ່າໂຢໜີເພີຍຈຶອົວ,ແປວ່າ"ມີເຈົ້າເປັນເພື່ອນ,ຂໍໃຫ້ສຽງເພງມ່ວນໆເປັນເພື່ອນຂອງທ່ານໃນທ່າມກາງລາຕີອັນສວຍງາມ.
|
