|
ການຄົ້ນຄວ້າໃໝ່ສຸດຂອງນັກວິທະຍາສາດດານມາກສະແດງໃຫ້ເຫັນວ່າ, ຄົນທີ່ຢູ່ໂດດດ່ຽວເປີເຊັນເປັນໂລກຫົວໃຈອາດຈະສູງກວ່າຄົນທຳມະດາ1ເທົ່າ.
ຕາມເວັບໄຊວາລະສານນັກວິທະຍາສາດໃໝ່ລາຍງານວ່າ, ນັກຄົ້ນຄວ້າໄດ້ຂໍ້ສະຫຼຸບດັ່ງກ່າວພາຍຫຼັງໄດ້ດຳເນີນການສຳຫຼວດຕໍ່ຊາວເມືອງທີ່ມີອາຍຸແຕ່30ປີຫາ69ປີ1ແສນ3ໝ່ນ8ພັນຄົນຢູ່ເຂດອາຮູສຂອງດານມາກ. ການສຳຫຼວດເຫັນວ່າ, ຜູ້ເຖົ້າທີ່ຢູ່ຜູ້ດຽວມັກເປັນໂລກຫົວໃຈ.
ຕາມຂ່າວແຈ້ງວ່າ, ໃນຈຳນວນຄົນທີ່ຖືກສຳຫຼວດ, ມີ646ຄົນຖືກບົ່ງມະຕິວ່າເປັນພະຍາດສາຍເລືອດແດງໂຄໂລນາໃນຫົວໃຈເຊິ່ງເປັນພະຍາດເສັ້ນເລືອດຫົວໃຈກະທັນຫັນຜູ້ຊາຍທີ່ຢູ່ຜູ້ດຽວອາຍຸ50ປີຂຶ້ນໄປແລະຜູ້ຍິງທີ່ຢູ່ຜູ້ດຽວອາຍຸ60ປີຂຶ້ນໄປມັກເປັນ, ເຖິງວ່າພວກເຂົາເຈົ້າກວມແຕ່8%ຂອງຍອດຈຳນວນຄົນທີ່ຮັບການສຳຫຼວດ, ແຕ່ໃນຈຳພວກຜູ້ຕາຍໃນເດືອນໜຶ່ງພາຍຫຼັງຖືກບົ່ງມະຕິນັ້ນ, ມີ96%ແມ່ນຜູ້ເຖົ້າທີ່ຢູ່ຜູ້ດຽວ.
ເຖິງວ່ານັກຄົ້ນຄວ້າຍັງບໍ່ທັນຮູ້ແຈ້ງວ່າເປັນຫຍັງຄົນຢູ່ຜູ້ດ່ຽວຈິ່ງມັກເປັນພະຍາດໂລກຫົວໃຈຫຼາຍປານນີ້, ແຕ່ພວກເພິ່ນເຫັນວ່າ, ການສູບຢາ, ເປັນຄວາມຊິນເຄີຍທີ່ບໍ່ດີ, ບໍ່ກວດສຸຂະພາບເປັນປະຈຳແລະຂາດຄວາມເອົາໃຈໃສ່ຈາກຄົນໃນຄອບຄົວແມ່ນສາເຫດຕົ້ນຕໍທີ່ພາໃຫ້ຜູ້ຢ່ຜູ້ດຽວມັກເປັນພະຍາດຫົວໃຈ. ຍ້ອນວ່າຜູ້ຢູ່ຜູ້ດຽວບໍ່ຄ່ອຍຍິນດີຮັບເອົາຄວາມຊ່ອຍເຫຼືອຂອງຜູ້ອື່ນ, ສະນັ້ນ, ຄວາມຊິນເຄີຍໃນດ້ານຊີວິດການເປັນຢູ່ຈິ່ງບໍ່ປົກກະຕິປານໃດ.
|
