|
|
 |
| (GMT+08:00)
2006-08-01 17:54:26
|
 |
|
ຈີນສ້າງລະບົບລາຍຊື່ມໍລະດົກວັດທະນະທຳທີ່ບໍ່ແມ່ນວັດຖຸສີ່ຂັ້ນສຳເລັດ
cri
ຕາມໜັງສືພິມເຢິນມິນຢື້ປ້າວຂອງຈີນ,ນັກຂ່າວໄດ້ຊາບຈາກກອງປະຊຸມລະດັບຊາດກ່ຽວກັບວຽກອະນຸລັກມໍລະດົກວັດທະນະທຳທີ່ບໍ່ແມ່ນວັດຖຸຈີນທີ່ຈັດຂຶ້ນໃນວັນທີ31ກໍລະກົດວ່າ,ລະບົບບັນຊີລາຍຊື່ມໍລະດົກວັດທະນະທຳທີ່ບໍ່ແມ່ນວັດຖຸ4ຂັ້ນຄືຂັ້ນລັດ,ຂັ້ນແຂວງ,ຂັ້ນນະຄອນແລະຂັ້ນເມືອງຂອງຈີນພວມຈໍ່ຕົວຂຶ້ນເປັນກ້າວໆ.
ຕາມແນະນຳວ່າ,ບັນຊີລາຍຊື່ມໍລະດົກວັດທະນະທຳທີ່ບໍ່ແມ່ນວັດຖຸຂັ້ນແຂວງຄວນກຳເນີດຂຶ້ນຈາກບັນຊີລາຍຊື່ຂັ້ນນະຄອນ, ຂັ້ນນະຄອນຄວນກຳເນີດຈາກຂັ້ນເມືອງ,ບັນຊີລາຍຊື່ຂັ້ນເມືອງແມ່ນພື້ນຖານໜາແໜ້ນຂອງລະບົບບັນຊີລາຍຊື່ມໍລະດົກວັດທະນະທຳທີ່ບໍ່ແມ່ນວັດຖຸ.
ເດືອນພຶດສະພາປີນີ້,ຈີນໄດ້ປະກາດບັນຊີລາຍຊື່ມໍລະດົກວັດທະນະທຳທີ່ບໍ່ແມ່ນວັດຖຸຂັ້ນລັດງວດທຳອິດ,ອັນໄດ້ເສີມຂະຫຍາຍບົດບາດສຳຄັນໃນການເປັນແບບຢ່າງແລະຊຸກຍູ້ໃຫ້ຈີນສ້າງຕັ້ງລະບົບບັນຊີລາຍຊື່.ປັດຈຸບັນ,11ແຂວງເຊັ່ນແຂວງເຮີເປ,ແຂວງລຽວນິງແລະແຂວງເຈີ້ຈ່ຽງເປັນຕົ້ນໄດ້ສ້າງຕັ້ງບັນຊີລາຍຊື່ຂັ້ນແຂວງແລ້ວ.
|
|
|
